கேரட் உருளைக்கிழங்கு சூப்

தேவையான பொருட்கள் :

கேரட் – 1,

உருளைக்கிழங்கு – 1,
வெங்காயம் – 1
உப்பு – தேவையான அளவு,
மிளகுத்தூள் – தேவையான அளவு,
வெண்ணெய் – தேவைக்கு.

செய்முறை:

வெங்காயம், உருளைக்கிழங்கு, கேரட்டை தோல் நீக்கி விட்டு பொடியாக நறுக்கி கொள்ளவும்.

குக்கரில் வெண்ணெய் விட்டு உருக்கியதும் வெங்காயம், கேரட், உருளைக்கிழங்கு சேர்த்து வதக்கி தேவையான அளவு தண்ணீர் விட்டு மூடி 3 விசில் விட்டு இறக்கவும்.

ஆறிய பிறகு திறந்து மத்தால் கடையவும்.

பின்னர் தேவையான அளவு தண்ணீர் உப்பு, மிளகுத்தூள் சேர்த்து மீண்டும் கொதிக்க வைத்து இறக்கி பரிமாறலாம்.

சூப்பரான கேரட் உருளைக்கிழங்கு சூப் ரெடி.