மிகவும் சத்து நிறைந்த டிரை நட்ஸ் ஷேக் செய்வது மிகவும் எளிமையானது. மிகவும் சத்து நிறைந்தது. குழந்தைகளும் விரும்பி பருகுவார்கள்.
டிரை நட்ஸ் மில்க் ஷேக்
தேவையான பொருட்கள் :
பாதாம் – 4
பிஸ்தா – 4
அக்ரூட் – 4
முந்திரி – 4
பேரீச்சம் பழம் – 2
பால் – 1 டம்ளர்
தேன் – 2 தேக்கரண்டி
ஐஸ் கியூப்ஸ் – சிறிதளவு
செய்முறை:
* பாதாம், பிஸ்தா, அக்ரூட், முந்திரி ஆகியவற்றை தண்ணீர்விட்டு ஊறவைத்துக் கொள்ளவும்.
* பிறகு பாலை காய்ச்சி ஆறவைத்துக் கொள்ளவும்.
* பின்னர் ஊறிய பருப்பு வகைகளின் தோலை நீக்கி, அதனுடன் கொட்டை நீக்கிய பேரீச்சம் பழம் சேர்த்து மிக்ஸியில் ஒரு சுற்று அடித்துக் கொள்ளவும்.
* அத்துடன் தேன், பால், ஐஸ் கியூப்ஸ் சேர்த்துக் கொண்டு, இந்தக் கலவையை மீண்டும் மிக்ஸியில் சுழற்றி எடுத்து கண்ணாடி கப்பில் ஊற்றி பருகலாம்.
* சூப்பர் டேஸ்ட், சூப்பர் சத்து.