சர்க்கரை நோயாளிகள் சாப்பிட சிறந்த பழம் எது?

நீரிழிவு நோயைக் கையாளும் போது சர்க்கரைப் பசியை நிர்வகிப்பது கடினமான பணியாகும். குறிப்பாக இனிப்பை விரும்புவர்களுக்கு இது ஆபத்தானது. உங்கள் ஊட்டச்சத்து தேவைகளை பூர்த்தி செய்யும் போது பழங்களை சாப்பிடுவது அந்த ஆசைகளை சமாளிக்கவும் ஆரோக்கியமான ஒன்றாகவும் இருக்கும்.

பருவகால மற்றும் நமக்கு கிடைக்கும் பழங்களைச் சாப்பிடுவதால் சர்க்கரை மற்றும் அழற்சியின் அளவைக் குறைப்பது முதல் உயர் இரத்த அழுத்தத்தை எதிர்த்துப் போராடுவது வரை பல ஆரோக்கிய நன்மைகள் உள்ளன. ஏனெனில் அவற்றில் ஏராளமான வைட்டமின்கள் மற்றும் தாதுக்கள் உள்ளன. இக்கட்டுரையில் பட்டியலிடப்பட்டுள்ள பழங்களை நீரிழிவு நோய்கள் குறைந்தளவு எடுத்துக்கொள்வது நல்லது. இது நார்ச்சத்து மற்றும் நீர் உள்ளடக்கம் நிறைந்தவை. இது சர்க்கரை அதிகரிப்பு மற்றும் சர்க்கரை உறிஞ்சுதல் வீதத்தைக் குறைக்கும்.

ஆப்பிள்

ஆப்பிள் பழம் மிகவும் சத்தானது என்பது அனைவரும் அறிந்ததே. இது பல ஆரோக்கிய நன்மைகளை நமக்கு வழங்குகிறது. ஒரு ஆய்வின்படி, அவை அளவாக உட்கொண்டால் வகை 2 நீரிழிவு நோய்க்கான குறைந்த ஆபத்துடன் கணிசமாக தொடர்புடையது. ஒரு நாளைக்கு ஒரு ஆப்பிள் சாப்பிட மருத்துவர்கள் பரிந்துரைக்கின்றனர். இது சர்க்கரை நோயாளிகளுக்கு நல்லது.

அவகோடா

அவகோடா பழம் ஆரோக்கியமான கொழுப்புகள் மற்றும் 20 க்கும் மேற்பட்ட வைட்டமின்கள் மற்றும் தாதுக்களின் சிறந்த ஆதாரமாகும். அவற்றில் அதிக நார்ச்சத்து உள்ளது மற்றும் நீரிழிவு அபாயத்தைக் குறைப்பதில் இது முக்கிய பங்கு வகிக்கிறது.

பப்பாளி

பப்பாளி இயற்கையான ஆக்ஸிஜனேற்றங்களால் நிறைந்துள்ளது. இது நீரிழிவு நோயாளிகளுக்கு சரியான தேர்வாக அமைகிறது. இது எதிர்கால உயிரணு சேதத்திற்கான வாய்ப்புகளை குறைக்கிறது. பழத்தில் ஃபிளாவனாய்டுகள் போன்ற இயற்கையான ஆன்டிஆக்ஸிடன்ட்கள் உள்ளன, இது இரத்த சர்க்கரையை சீராக்க உதவுகிறது.

பெர்ரி

பெர்ரிகளைச் சேர்ப்பது உங்கள் ஆரோக்கியத்திற்கு நல்லது. குறிப்பாக நீரிழிவு நோயாளிகளுக்கு நல்லது. பெர்ரி நீரிழிவு நோயாளிகளின் உணவில் பல்வேறு வகைகளில் சேர்க்க சிறந்த வழிகளில் ஒன்றாகும். ப்ளாக்பெர்ரி, ப்ளூபெர்ரி அல்லது ஸ்ட்ராபெர்ரி ஆகியவற்றிலிருந்து நீங்கள் தேர்வு செய்யலாம். ஏனெனில் அவை அனைத்தும் ஆன்டிஆக்ஸிடன்ட்கள், வைட்டமின்கள் மற்றும் ஃபைபர்களால் நிரம்பியுள்ளன.

நட்சத்திர பழம்[penci_related_posts dis_pview=”no” dis_pdate=”no” title=”” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]

இந்த இனிப்பு மற்றும் புளிப்பு பழத்தில் நார்ச்சத்து மற்றும் வைட்டமின் சி அதிகம் உள்ளது. இது அழற்சி எதிர்ப்பு செயல்முறைகளை சாதகமாக பாதிக்கிறது மற்றும் உயிரணு சேதத்தை சரிசெய்ய உதவும். மேலும் இது குறைந்த பழ சர்க்கரைகளை கொண்டுள்ளதால், சர்க்கரை நோயாளிகள் எடுத்துக்கொள்ளலாம்.

முலாம்பழம்

நீரிழிவு நோயாளிகளுக்கும், நீரிழிவு நோய் வளரும் அபாயம் உள்ளவர்களுக்கும் சக்திவாய்ந்த நீர்ச்சத்து பழங்களாக முலாம்பழம் பரிந்துரைக்கப்படுகிறது. காய்களில் பாகற்காய் பரிந்துரைக்கப்படுகிறது. நார்ச்சத்து, பொட்டாசியம், மெக்னீசியம், வைட்டமின் பி, மற்றும் சி போன்ற பல ஊட்டச்சத்து நன்மைகளை பெறுவதற்கு முலாம்பழத்தை அளவாக சாப்பிடுங்கள்.

பேரிக்காய்

பேரிக்காய் ஊட்டச்சத்துக்கள் நிறைந்தவை மற்றும் அழற்சியை எதிர்த்து போராடும் பண்புகளை கொண்டுள்ளது மற்றும் செரிமானத்தை மேம்படுத்துவதாக அறியப்படுகிறது. ஆரோக்கியமான உணவோடு பேரிக்காயை உட்கொள்வது டைப் 2 நீரிழிவு அபாயத்தைக் குறைக்கிறது என்று ஆய்வுகள் தெரிவிக்கின்றன.

ஆரஞ்சு

இந்த சிட்ரஸ் பழத்தில் நார்ச்சத்து நிறைந்துள்ளது. இது இரத்த ஓட்டத்தில் சர்க்கரை உறிஞ்சுவதை மெதுவாக்க உதவுகிறது, மேலும் அதன் வைட்டமின் சி சத்து நோய் எதிர்ப்பு சக்தியை மேம்படுத்த உதவுகிறது. அவை வைட்டமின் ஏ, கால்சியம், மெக்னீசியம், பொட்டாசியம் மற்றும் ஃபைபர் போன்ற ஆன்டிஆக்ஸிடன்ட்களின் சக்தி மையமாகும்.

இறுதிகுறிப்பு

உங்கள் சாலட்களில் பழங்களைச் சேர்க்கும்போது, இலவங்கப்பட்டையையும் சிறிதளவு சேர்த்துக்கொள்ளுங்கள். அது சுவையாக இருக்கும் மற்றும் சர்க்கரை அளவை குறைக்கிறது. அக்ரூட் பருப்புகள் மற்றும் பாதாம் போன்ற நட்ஸ்களைச் சேர்க்கவும். உடலில் கிளைசெமிக் சுமையை சமப்படுத்த நீங்கள் ஆளி விதைகளையும் சேர்க்கலாம்.