உடலில் உள்ள உறுப்புகள் அனைத்துமே மனிதனுக்கு முக்கியமானது. அதிலும் சில உறுப்புகள் உடலில் மிக முக்கியமான பணிகளை செய்கிறது. அப்படிப்பட்ட உறுப்பு தான் கல்லீரல்!
கல்லீரல் நோய் தற்போதைய காலக்கட்டத்தில் வயது வித்தியாசமின்றி பலரையும் தாக்குகிறது. இதற்கு காரணம் தவறான உணவுமுறை தான்.
கல்லீரலுக்கு பாதிப்புகள் கொடுக்கும் உணவுகள் மற்றும் பொருட்கள் குறித்து காண்போம்.
பாக்கெட் உணவுகள்
தொகுக்கப்பட்ட சிற்றுண்டிகள் உங்கள் கல்லீரலில் பாதிப்பை ஏற்படுத்தும். தொகுக்கப்பட்ட சிற்றுண்டி என்றால் என்ன என பலருக்கு தெரியாமல் இருக்கலாம். இந்த தொகுக்கப்பட்ட உணவுகளில் பொதுவாக உப்பு, சர்க்கரை மற்றும் கொழுப்பு ஆகியவை நிறைந்து காணப்படுகின்றன. இவை அனைத்துமே உங்கள் கல்லீரலுக்கு தீங்கு விளைவிக்க கூடியவை. எனவே இந்த வகையான உணவுகளை தவிர்ப்பது நல்லது. மேலும் விதைகள், மக்கானா, குயினோவா போன்ற ஆரோக்கியமான சிற்றுண்டிகளை எடுத்துக்கொள்வது உங்கள் உடல் ஆரோக்கியத்திற்கு நன்மை பயக்கும்.
வெண்ணெய்
பெரும்பாலும் பால் தொடர்பான உணவு பொருட்கள் அனைத்தும் கல்லீரலில் பிரச்சனைகளை ஏற்படுத்துவதாக உள்ளன. அவற்றில் வெண்ணையும் அடங்கும். ஏனெனில் இதில் அதிக அளவு நிறைவுற்ற கொழுப்பு உள்ளது. இவை உடலுக்கு தீங்கு விளைவிக்கின்றன. இவை கல்லீரலுக்கும் தீங்கிழைக்கின்றன. எனவே அதற்கு பதிலாக நீங்கள் ஆலிவ் எண்ணெய்க்கு மாறலாம். ஆலிவ் எண்ணெயில் ஒமேகா 3 கொழுப்பு அமிலங்கள் உள்ளன. அவை கல்லீரலின் நோய் அபாயத்தை குறைக்க உதவுகின்றன.
அதிக சர்க்கரை
அதிகப்படியான சுகர் எடுப்பது கல்லீரலில் கொழுப்பு தேங்க வழி வகுக்கிறது. காரணம் சர்க்கரை கொழுப்பாக மாற்றப்பட்டு கல்லீரலில் தங்கி விடுகிறது. இதனால் கொழுப்பு கல்லீரல் நோய் ஏற்படும். எனவே குறைந்தளவு மட்டுமே சர்க்கரையை எடுத்துக் கொள்ளுங்கள். கார்பனேட்டேடு பானங்கள், பாக்கெட்டில் அடைக்கப்பட்ட ஜூஸ்கள், கேக் வகைகள் இவற்றில் அதிகப்படியான சர்க்கரை சேர்க்கப்பட்டால் தவிர்த்து விடுங்கள்.
அதிக உப்பு
நமது உடலில் உள்ள எலக்ட்ரோலைட்டுகள் சமநிலையில் இருக்க உணவில் உப்பு சேர்ப்பது அவசியம். அதே நேரத்தில் அதிகப்படியான உப்பால் (சோடியம்) கல்லீரலில் நார்த்திசுக்கட்டிகள் உருவாக வாய்ப்புள்ளது. இது கல்லீரல் பாதிப்பை உண்டாக்கி விடுகிறது. எனவே பதப்படுத்தப்பட்ட உணவுகள், டப்பாக்களில் அடைக்கப்பட்ட காய்கறிகள், உப்பு சேர்க்கப்பட்ட ஊறுகாய்கள் போன்றவற்றை தவிருங்கள். போதுமான அளவு மட்டுமே உணவில் உப்பை சேருங்கள்.
கல்லீரலை பாதிக்கும் வேறு சில காரணங்கள்
அதிக உடல் எடை, அதிக மதுப்பழக்கம், புகைப்பிடித்தல்