உங்களுக்கு தெரியுமா சந்தையில் மீன் வாங்க செல்லும்போது கவனிக்க வேண்டியது என்ன ?

வீட்டில் வாரத்திற்கு ஒருமுறையாவது உணவில் மீனை சேர்க்க வேண்டும். அதுவும் கடல் மீன்களில் உடலுக்கு வேண்டிய அத்தியாவசிய சத்துக்களான புரோட்டீன், அயோடின், ஒமேகா-3 கொழுப்பு அமிலங்கள் போன்றவை ஏராளமான அளவில் நிறைந்துள்ளது.பொதுவாக நாம் அனைவரும் மார்கெட் சென்றால் வெண்டைக்காயை உடைத்துப் பார்த்து வாங்குவோம், பீட்ரூட்டை கீறிப் பார்த்து வாங்குவோம், தேங்காயை ஆட்டிப் பார்த்து வாங்குவோம். அதேப்போல் மீனை எப்படி வாங்குவது என்று நீங்கள் தெரியாமல் இருக்கலாம். அப்படிப்பட்டவர்களுக்கு இக்கட்டுரை மிகவும் உபயோகமாக இருக்கும். ஏனென்றால் இங்கு மீனை வாங்கும் போது கவனிக்க வேண்டிய சில விஷயங்கள் கொடுக்கப்பட்டுள்ளன. மீன் பார்க்கும் போதே புதிது போல் இருந்தால் அது நல்ல மீன்.

மீனின் கண்களைப் பார்க்கும் போது அது தெளிவாக இருந்தால் அது நல்ல மீன். ஒருவேளை அதன் கண்கள் மங்கலாக இருந்தால் அந்த மீனை வாங்கக் கூடாது .
நீங்கள் சாப்பிட ஆசைப்பட்ட மீனின் மீது ஏதேனும் காயங்கள் இருந்தால், அதை வாங்காதீர்கள். இந்த ஒரு விடயத்தை வைத்து நீங்கள் கண்டு பிடித்து விடலாம். அதிலும் குறிப்பாக மீன்களின் செவுளைத் திறந்து பார்க்கும் போது, அது செந்நிறத்தில் இருந்தால் நல்ல மீன். அதுவே சாம்பல் நிறத்தில் இருந்தால், அது கெட்ட மீன்.