இனிப்பும் கசப்பும் கலந்த பாகற்காய் குழம்பு செய்வது எப்படி என்று பார்க்கலாம்.
இனிப்பும் கசப்பும் கலந்த பாகற்காய் குழம்பு
தேவையான பொருட்கள் :
பாகற்காய் – 2
பெரிய வெங்காயம் – ஒன்று
உப்பு, கறிவேப்பிலை, எண்ணெய் – ஒரு மேசைக்கரண்டி
புளி – ஒரு நெல்லிக்காய் அள்வு
மஞ்சள் தூள் – கால் தேக்கரண்டி
வெல்லம் – 2 மேசைக்கரண்டி
வதக்கி அரைக்க :
தேங்காய் துருவல் – 3 மேசைக்கரண்டி
உளுந்து – ஒரு தேக்கரண்டி
கடலைப்பருப்பு – ஒரு தேக்கரண்டி
மிளகு – ஒரு தேக்கரண்டி
சீரகம் – ஒரு தேக்கரண்டி
மிளகாய் வற்றல் – 3
தனியா – ஒரு தேக்கரண்டி
சின்ன வெங்காயம் – 7
தக்காளி – ஒன்று
கறிவேப்பிலை – சிறிது
தாளிக்க:
கடுகு, வெந்தயம்
செய்முறை :
* பாகற்காயை வட்டமான துண்டுகளாக நறுக்கிக் கொள்ளவும்.
* வெங்காயத்தை மெல்லிதாக நீளவாக்கில் நறுக்கவும்.
* கடாயில் எண்ணெய் ஊற்றி காய்ந்ததும் மிளகு, சீரகம், உளுந்து, கடலைப்பருப்பு, தனியா, மிளகாய் வற்றல் சேர்த்து சிவக்க வறுக்கவும்.
* அடுத்து அதில் நறுக்கிய சின்ன வெங்காயம், தேங்காய் துருவல், கறிவேப்பிலை சேர்த்து வதக்கி, பின் தக்காளி சேர்த்து வதக்கவும். இந்த கலவையை ஆற வைத்து மிக்ஸியில் போட்டு தேவையான அளவு தண்ணீர் ஊற்றி நைசாக அரைக்கவும்.
* புளியை ஊற வைத்து கரைத்து வைக்கவும்.
* வெல்லத்தை தண்ணீரில் கரைத்து வடிகட்டி வைக்கவும்.
* கடாயை அடுப்பில் வைத்து எண்ணெய் ஊற்றி சூடானதும் கடுகு, வெந்தயம் தாளித்து, அதில் நறுக்கிய வெங்காயம், கறிவேப்பிலை சேர்த்து வதக்கவும்.
* வெங்காயம் வதங்கியதும் நறுக்கிய பாகற்காய் சேர்த்து வதக்கவும்.
* வெங்காயம் மற்றும் பாகற்காயுடன் அரைத்த மசாலா சேர்த்து தேவையான அளவு தண்ணீர் ஊற்றி உப்பு, மஞ்சள் தூள் சேர்த்து மூடி 10 நிமிடம் மிதமான தீயில் வேக விடவும்.
* பின்னர் அதில் புளிக்கரைசல் சேர்த்து எண்ணெய் பிரிய கொதிக்க விட்டு கடைசியாக வெல்லம் கலந்த நீர் ஊற்றி ஒரு கொதி விட்டு இறக்கவும்.
* இனிப்பும் கசப்பும் கலந்த பாகற்காய் குழம்பு தயார்.