தக்காளி சட்னி செய்யும்போது சிறிது எள்ளை வறுத்து பொடி செய்து போட்டால் மணமாக இருக்கும்.
பனங்கிழங்கை பொடியாக நறுக்கி சின்ன வெங்காயம், மிளகாய், உப்பு, தேங்காய்த்துருவல் சேர்த்து பொரியல் செய்தால் சுவையாக இருக்கும்.
சப்பாத்தி மிருதுவாக இருக்க மாவு பிசையும்போது மாவின் அளவுக்கு சரி பாதி அதாவது, ஐம்பது சதவிகிதம் தண்ணீர்விட்டு பிசைந்தால் சப்பாத்தி மிருதுவாக இருக்கும்.
ரசத்தை இறக்கும்போது அரை தேக்கரண்டி சர்க்கரை சேர்த்து இறக்கினால் , ரசம் தனிச்சுவையுடன் இருக்கும்.
வாழைத்தண்டு கூட்டு மற்றும் பொரியல் செய்யும்போது அத்துடன் சிறிது முருங்கைகீரையை சேர்த்து செய்தால் சுவையாகவும் மணமும் மிகவும் நன்றாக இருக்கும். உடம்புக்கும் மிகவும் நல்லது.
சுண்டல் செய்ய பட்டாணி, கொண்டைக்கடலை போன்றவைகளை ஊற வைக்க மறந்துவிட்டால் ஒரு பிளாஸ்கில் வெந்நீரை நிரப்பி அதில் பட்டாணி, கொண்டைக் கடலையைப் போட்டு ஒரு மணி நேரம் ஊற வைத்தால் டக்கென்று ஊறிவிடும்.
கட்லெட் சில டிப்ஸ்கள்
கட்லெட் தயாரிக்க பயன்படுத்தும் உணவுப் பொருட்களில் சோளமாவும் சேர்க்கலாம். கட்லெட்க்கு அதிக ருசி கிடைக்கும்.
கட்லெட் தயாரிக்க வைத்திருக்கும் பொருள்களில் மல்லி இலையோ, செலரியோ சிறிதளவு நறுக்கி சேர்த்தால் சுவை அதிகரிக்கும்.
கட்லெட் பொரித்தெடுக்கும்போது அது மூழ்கும் அளவுக்கு எண்ணெய் ஊற்ற வேண்டும். இல்லாவிட்டால் கட்லெட் சரியாக வேகாது. அல்லது கட்லெட்டை தோசைக் கல்லில் நெய் ஊற்றி அதிலும் சுட்டெடுக்கலாம்.
நறுக்கிய பெரிய வெங்காயம், மிளகுத்தூள், வேக வைத்த காலிஃப்ளவர் போன்றவை சேர்த்தும் கட்லெட் செய்யலாம்.
கட்லெட் உடையாதிருக்க மெதுவாக திருப்ப வேண்டும்.