>தேவையான பொருட்கள் :வெள்ளரிக்காய் – 1,
பாசிப்பருப்பு – அரை கப்,
கொத்தமல்லித் தழை – சிறிதளவு,
கடுகு, எண்ணெய் – கால் டீஸ்பூன்,
பச்சை மிளகாய் – பாதி,
எலுமிச்சைப் பழச்சாறு – ஒரு டீஸ்பூன்,
உப்பு – தேவையான அளவுசெய்முறை:
• வெள்ளரிக்காயை தோல் சீவிப் பொடியாக நறுக்கவும்.
• பாசிப்பருப்பை ஊறவைத்து வடிகட்டவும்.
• ஒரு பாத்திரத்தில் வெள்ளரிக்காய், பாசிப்பருப்பு, உப்பு, நறுக்கிய கொத்தமல்லி எல்லாவற்றையும் சேர்த்து, எலுமிச்சைச் சாற்றை விட்டு நன்றாக கலக்கவும்.
• கடாயில் எண்ணெய் ஊற்றி கடுகு, பொடியாக நறுக்கிய பச்சை மிளகாயைப் போட்டு, தாளித்து வெள்ளரிக்காய் கலவையில் கொட்டி கிளரவும். .
குறிப்பு:
தாகத்தைத் தணிக்கக்கூடிய காய்களில், வெள்ளரியும் ஒன்று. பச்சையாகச் சாப்பிடலாம். மிளகுத்தூள், உப்பு சேர்த்தும் சாப்பிடலாம். தயிர்ப்பச்சடி தயாரிக்கலாம்.
பலன்கள்:
100 கிராம் வெள்ளரியில் 15 கலோரி மட்டுமே கிடைக்கும். எனவே, குண்டாக இருப்பவர்கள், எடையைக் குறைக்க நினைப்பவர்கள், சர்க்கரை நோயாளிகள் சாப்பிடலாம். நார்ச்சத்து, நீர்ச்சத்து, தாது உப்புக்கள் இதில் அதிகம். குளிர்ச்சி தரக்கூடியது.