சர்க்கரை நோயாளிக்கு கம்பு ஒரு வரப்பிரசாதம் ஆகும். இந்த கம்பு உருண்டையை அனைவரும் சாப்பிடலாம். அதை எப்படி செய்வது என்று பார்க்கலாம்.
சத்தான கம்பு உருண்டை செய்வது எப்படி
தேவையான பொருட்கள் :
கம்பு – 1/2 கிலோ
கருப்பட்டி – 1/2 கிலோ
வறுத்த வேர்க்கடலை – 50 கிராம்.
செய்முறை :
* கம்பை நன்றாக இடித்துக்கொள்ளவும்.
* வறுத்த வேர்க்கடலையைச் சிறு துண்டுகளாக உடையும் அளவுக்கு இடித்துக்கொள்ளவும்.
* கருப்பட்டியுடன் தண்ணீரைச் சேர்த்து, கம்பிப் பதத்தில் பாகு காய்ச்சிக்கொள்ளவும்.
* கம்பு மாவையும், உடைத்த வேர்க்கடலையையும் ஒன்றாகக் கலந்து கொள்ளவும்.
* கருப்பட்டிபாகை, கம்பு மாவுடன் சிறிது சிறிதாகச் சேர்க்க வேண்டும். ஏனெனில், கருப்பட்டிபாகின் சூடு குறைந்தால், உருண்டை பிடிக்க வராது. கருப்பட்டிபாகினை அடுப்பில் லேசாகச் சூடு செய்துகொண்டே, சிறிது சிறிதாகச் சேர்த்து, உருண்டை பிடிக்க வேண்டும்.
* சுவையான சத்தான கம்பு உருண்டை ரெடி.