மாலை நேரம் சாப்பிட சுவையான சத்தான ஒரு சாட் ரெசிபி இது. அதை எப்படி செய்வது என்று பார்க்கலாம்.
சுவையான சத்தான மசாலா ஸ்வீட் கார்ன்
தேவையான பொருட்கள் :
ஸ்வீட் கார்ன் – ஒரு கிண்ணம்
வெங்காயம் – ஒன்று
தக்காளி – பாதி
கொத்துமல்லித் தழை – சிறிது
வெண்ணெய் – கால் தேக்கரண்டி
சாட் மசாலா – கால் தேக்கரண்டி
ஓமப் பொடி – சிறிது
செய்முறை:
* வெங்காயம், தக்காளி, கொத்துமல்லித் தழையைப் பொடியாக நறுக்கி வைத்துக் கொள்ளவும்.
* ஸ்வீட் கார்னை அரை வேக்காட்டில் வேக வைத்து உதிர்த்துக் கொள்ளவும்.
* வாணலியை அடுப்பில் வைத்து வெண்ணெய் விட்டு சூடானதும் அதில் உதிர்த்து வைத்துள்ள ஸ்வீட் கார்ன் சேர்த்து சிறிது நேரம் வதக்கவும்.
* அதனுடன் சாட் மசாலாவைச் சேர்த்து கிளறி இறக்கி, நறுக்கி வைத்துள்ள வெங்காயம், தக்காளி கலவையை சேர்த்து, ஓமப்பொடி, கொத்துமல்லித் தூவிப் பரிமாறவும்.
* சத்தான சுவையான மசாலா ஸ்வீட் கார்ன் ரெடி.