என்னென்ன தேவை?
மாம்பழக் கூழ் – 100 கிராம்,
வடித்த சாதம் – 2 கப் (வரகரிசி, குதிரை வாலி போன்றவற்றில் வடித்ததாகக் கூட இருக்கலாம்),
உப்பு – தேவைக்கு,
சுண்டக் காய்ச்சிய பால் – 1 கப்,
தயிர் – தேவைக்கு,
மாங்கா-இஞ்சித் துருவல்- 1 டீஸ்பூன்,
வெண்ணெய்-சிறிது.
தாளிக்க…
நெய் – 1 டீஸ்பூன்,
உளுத்தம் பருப்பு, கடுகு – தலா 1 டீஸ்பூன்,
பெருங்காயத் தூள் – 1 சிட்டிகை.
எப்படிச் செய்வது?
வடித்த சாதத்துடன் தாளிக்க வைத்திருக்கும் பொருட்களைத் தவிர அனைத்தையும் கலக்கவும். நெய்யில் கடுகு, உளுத்தம் பருப்பு, பெருங்காயத் தூள் சேர்த்து தாளித்து கிளறி கொட்டவும். வெண்ணெய் மணத்துடன் மாம்பழ டேஸ்ட்டில் மதிய நேரத்துக்கு ஏற்ற உணவு இது. 