வாயு தொல்லையை போக்கும் பூண்டு சாதம் செய்வது எப்படி என்று பார்க்கலாம்.
வாயு தொல்லையை போக்கும் பூண்டு சாதம்
தேவையான பொருட்கள் :
பாஸ்மதி அரிசி – ஒரு கப்
பூண்டு – 10 பற்கள் (பெரிய பல்லாக)
தேங்காய் விழுது – 2 தேக்கரண்டி
வெங்காயம் – ஒன்று
பச்சை மிளகாய் – 2
நெய் – 2 தேக்கரண்டி
மிளகு -10
உப்பு – தேவைக்கேற்ப
முந்திரி – 10
ஏலக்காய் – ஒன்று
கிராம்பு – 2
பட்டை – ஒரு துண்டு
பெருஞ்சீரகம் – கால் தேக்கரண்டி
கொத்தமல்லி மற்றும் புதினா – சிறிது
செய்முறை :
* வெங்காயத்தை நீளமாக நறுக்கி வைக்கவும்.
* பூண்டைத் தோலுரித்துக் கொள்ளவும்.
* குக்கரில் நெய் ஊற்றி, பட்டை, ஏலக்காய், கிராம்பு, மிளகு, முந்திரி, பெருஞ்சீரகம், புதினா மற்றும் பச்சை மிளகாய் போட்டு தாளித்த பிறகு வெங்காயம் மற்றும் பூண்டு சேர்த்து வதக்கவும்.
* எண்ணெய் பிரிந்து வந்ததும் தேங்காய் விழுது மற்றும் தண்ணீர் சேர்த்து கொதிக்கவிடவும்.
* கொதித்த பிறகு அரிசியைச் சேர்த்து உப்பு போட்டு வேகவிட்டு இறக்கவும்.
* சுவையான பூண்டு சாதம் தயார். கொத்தமல்லித் தூவி பரிமாறவும்.