சுவையான சிக்கன் ஸ்ட்ரிப்ஸ்

தேவையான பொருட்கள்:

* சிக்கன் நெஞ்சுக்கறி – 2 பெரிய துண்டு

* மைதா – 1 கப்

* சோள மாவு – 1/2 கப்

* பேக்கிங் பவுடர் – 1 டீஸ்பூன்

* உப்பு – சுவைக்கேற்ப

* மிளகுத் தூள் – 1 டீஸ்பூன்

* தண்ணீர் – தேவையான அளவு

* கார்ன் ப்ளேக்ஸ் – 2 கப்

* எண்ணெய் – பொரிப்பதற்கு தேவையான அளவு

செய்முறை:

* முதலில் கார்ன் ப்ளேக்ஸை மிக்சர் ஜாரில் போட்டு கொரகொரவென்று அரைத்து தனியாக வைத்துக் கொள்ள வேண்டும்.

* பின்பு சிக்கனை நீளத் துண்டுகளாக வெட்டி, நீரில் கழுவிக் கொள்ள வேண்டும்.

* பிறகு ஒரு பௌலில் மைதா, சோள மாவு, பேக்கிங் பவுடர், உப்பு, மிளகுத் தூள் சேர்த்து, நீரை ஊற்றி ஓரளவு நீராக கலந்து கொள்ள வேண்டும்.

Chicken Strips Recipe In Tamil
* பின்னர் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

* எண்ணெய் சூடானதும், ஒரு சிக்கன் துண்டை எடுத்து, முதலில் மாவில் பிரட்டி, பின் கார்ன் ப்ளேக்ஸில் பிரட்டி எண்ணெயில் போட்டு பொன்னிறமாக பொரித்து எடுக்க வேண்டும். இதேப் போல் அனைத்து சிக்கன் துண்டுகளையும் பொரித்து எடுத்தால், சுவையான சிக்கன் ஸ்ட்ரிப்ஸ் தயார்.