பெரும்பாலானோர் வீடுகளில் காலை வேளையில் இட்லி, தோசை தான் காலை உணவாக இருக்கும். இப்படி உங்கள் வீட்டிலும் காலையில் இட்லி, தோசை செய்தால், அதற்கு சைடு டிஷ்ஷாக கொத்தமல்லி துவையல் செய்து சாப்பிடுங்கள். இது சுவையாக இருப்பதோடு, ஆரோக்கியமானதும் கூட.
இங்கு அந்த கொத்தமல்லி துவையலை எப்படி செய்வதென்று கொடுக்கப்பட்டுள்ளது. அதைப் படித்து செய்து சுவைத்து மகிழுங்கள்.
Coriander Leaves Thogayal
தேவையான பொருட்கள்:
கொத்தமல்லி – 1 கட்டு (சுத்தம் செய்தது)
புளி – 1 சிறு துண்டு
கடலைப்பருப்பு – 3 டேபிள் ஸ்பூன்
உளுத்தம் பருப்பு – 2 டேபிள் ஸ்பூன்
வரமிளகாய் – 2
துருவிய தேங்காய் – 2 டேபிள் ஸ்பூன்
பெருங்காயத் தூள் – 1 சிட்டிகை
எண்ணெய் – தேவையான அளவு
உப்பு – தேவையான அளவு
செய்முறை:
முதலில் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடலைப்பருப்பு, உளுத்தம் பருப்பு, வரமிளகாய் சேர்த்து பொன்னறிமாக வதக்க வேண்டும்.
பின்னர் அதில் தேங்காய் சேர்த்து வதக்கி, பின் புளி சேர்த்து சிறிது நேரம் பிரட்டி விட வேண்டும்.
பின்பு அதில் கொத்தமல்லியை போட்டு 2 நிமிடம் வதக்கி, பின் இறக்கி குளிர வைக்க வேண்டும்.
இறுதியில் அதனை மிக்ஸியில் போட்டு, தேவையான அளவு உப்பு மற்றும் சிறிது தண்ணீர் ஊற்றி கொரகொரவென்று அரைத்தால், கொத்தமல்லி துவையல் ரெடி!!!
