கோவைக்காய் துவையல்

தேவையான பொருட்கள் :

கோவைக்காய் – 200 கிராம்
தேங்காய் துருவல்- தேவைக்கு
பெரிய வெங்காயம் – 1
பூண்டு – 4 பற்கள்
பச்சைமிளகாய் – 3
கடலைப்பருப்பு – 1 தேக்கரண்டி
உளுத்தம்பருப்பு – 1 தேக்கரண்டி
காய்ந்த மிளகாய் – 2
புளி – சிறிய எலுமிச்சை பழ அளவு
உப்பு – தேவைக்கு
நல்லெண்ணெய் – 3 தேக்கரண்டி

செய்முறை:

• வெங்காயம், கோவைக்காயை பொடியாக நறுக்கி கொள்ளவும்.

• வாணலியில் எண்ணெய் ஊற்றி கோவைக்காயை நன்கு வதக்கவும். வெந்து வரும்போது நறுக்கி வைத்துள்ள வெங்காயம், பூண்டு, பச்சைமிளகாய் போன்றவைகளை கலந்து கிளறி சிறிது நேரம் கழித்து இறக்குங்கள்.

• மறுபடியும் வாணலியில் சிறிது எண்ணெய் ஊற்றி கடலைப்பருப்பு, உளுத்தம்பருப்பு, காய்ந்த மிளகாய், புளி ஆகியவைகளை சேர்த்து வதக்குங்கள்.

• இதனை நன்றாக ஆறவைத்து மிக்ஸியில் இட்டு பொடித்து, அத்துடன் ஆறவைத்துள்ள கோவைக்காய், தேங்காய் துருவலை கலந்து, உப்பும் சேர்த்து அரையுங்கள்.

• இதை சூடான சாதம், சப்பாத்தி, இட்லி, தோசைக்கு தொட்டு சுவையாக சாப்பிடலாம்.