தினமும் சிறுதானியங்களை உணவில் சேர்த்து கொள்வது நல்லது. அந்த வகையில் இன்று சிறுதானியங்களை வைத்து பெசரட்டு செய்வது எப்படி என்று பார்க்கலாம்.
சத்து நிறைந்த சிறுதானிய பெசரட்டு
தேவையான பொருட்கள் :
முழு பாசிபயறு – 1/2 கப்
சோளம், தினை, குதிரைவாலி, வரகு கலந்து – 1/2 கப்
பச்சைமிளகாய் – 2
இஞ்சி – சிறிய துண்டு
வெங்காயம் – 1
சீரகம் – 1 டேபிள் ஸ்பூன்
உப்பு, எண்ணெய் – தேவைக்கு
பெருங்காயம் – விரும்பினால் சேர்க்கலாம்
செய்முறை :
* வெங்காயம், ப.மிளகாய், இஞ்சியை பொடியாக நறுக்கி கொள்ளவும்.
* சிறுதானியங்களுடன், பாசிபயறு சேர்த்து நாலு மணி நேரம் ஊறவிடவும்.
* நன்றாக ஊறியதும் மிக்சியில் போட்டு அதனுடன் இஞ்சி, சீரகம், பச்சை மிளகாயுடன் சேர்த்து கொரகொரப்பாக அரைத்து உப்பு, வெங்காயம் சேர்த்து கலந்து அரை மணிநேரம் அப்படியே வைக்கவும்.
* தோசை கல்லை அடுப்பில் வைத்து சூடானதும் மாவை அடைகளாக ஊற்றி சுற்றி சிறிது எண்ணெய் ஊற்றி வெந்ததும் திருப்பிபோட்டு எடுக்கவும். அடை போல வார்க்கலாம்.
சத்து நிறைந்த சிறுதானிய பெசரட்டு ரெடி.