சிற்றுண்டி வகைகள்

சத்தான சுவையான வெஜிடபிள் ஓட்ஸ் கிச்சடி

இன்று காலை, மாலை நேர டிபனுக்கு ஏற்ற அருமையான சத்தான வெஜிடபிள் ஓட்ஸ் கிச்சடி செய்வது எப்படி என்று பார்க்கலாம்.

சத்தான சுவையான வெஜிடபிள் ஓட்ஸ் கிச்சடி
தேவையான பொருட்கள் :

ஓட்ஸ் – 100 கிராம் அல்லது ஒரு கப்
காய்கறிகள் – ஒரு கப் (கேரட், பீன்ஸ், பட்டாணி)
வெங்காயம் – 1
தக்காளி – 1
பச்சை மிள்காய் – 4
கொத்தமல்லி, புதினா – சிறிது
பிரியாணி இலை – 1
இஞ்சி பூண்டு பேஸ்ட் – 1 டீஸ்பூன்
கரம் மசாலா – கால் ஸ்பூன்
மஞ்சள் தூள் – கால்ஸ்பூன்
எண்ணெய் – 4 டீஸ்பூன்
நெய் – 1 டீஸ்பூன்
உப்பு – தேவைக்கு.

செய்முறை :

* ஓட்ஸை ஒரு பவுலில் எடுத்து தண்ணீர் விட்டு அலசி வடித்து வைக்கவும்.

* வெங்காயம், தக்காளி, ப.மிளகாய், காய்கறிகள் பொடியாக நறுக்கி கொள்ளவும்.

* கடாயை அடுப்பில் வைத்து எண்ணெய் ஊற்றி சூடானதும் வெங்காயம், ப,மிளகாயை போட்டு வதக்கவும்.

* வெங்காயம் நன்றாக வதங்கிய பின்னர் இஞ்சி பூண்டு விழுதை போட்டு வதக்கவும்.

* அடுத்து அதில் தக்காளி, கரம்மசாலா தூள், மஞ்சள் தூள் சேர்த்து வதக்கவும்.

* தக்காளி வதங்கியவுடன் அதில் காய்கறி, உப்பு சேர்த்து நன்றாக பிரட்டி அடுப்பை சிம்மில் வைத்து மூடி போட்டு வேக விடவும்.

* அடுத்து அதில் ஓட்ஸ் சேர்த்து கிளறவும். ஓட்ஸ் தண்ணீரில் ஊறி இருப்பதால் விரைவில் வெந்து விடும். தேவைப்பட்டால் சிறிது தண்ணீர் தெளித்து கொள்ளவும்.

* கிச்சடி நன்றாக சேர்ந்து வரும் போது ஒரு ஸ்பூன் மணத்திற்கு நெய் விட்டு, கொத்தமல்லி தழை தூவி கிளறி இறக்கவும்.

* சுவையான வெஜிடபிள் ஓட்ஸ் கிச்சடி ரெடி.

* இது காலை, மாலை நேர டிபனுக்கு அருமையாக இருக்கும். 201701191301564484 vegetable oats khichdi SECVPF

Related Articles

Leave a Reply

Your email address will not be published. Required fields are marked *

Back to top button