அஜீரண பிரச்சனை இருப்பவர்கள் அடிக்கடி இஞ்சியை உணவில் சேர்த்து கொள்ளலாம். இன்று அஜீரண பிரச்சனைக்கு உகந்த இஞ்சி – பச்சை மிளகாய் தொக்கு செய்வது எப்படி என்று பார்க்கலாம்.
இஞ்சி – பச்சை மிளகாய் தொக்கு
தேவையான பொருட்கள் :
இளம் இஞ்சி – 25 கிராம்,
பிஞ்சு பச்சை மிளகாய் – 10,
புளி – ஒரு சிறிய நெல்லிக்காய் அளவு,
அச்சு வெல்லம் – ஒன்று,
எண்ணெய் – 4 டீஸ்பூன்,
உப்பு – தேவையான அளவு.
செய்முறை:
* பச்சை மிளகாயை பொடியாக நறுக்கவும்.
* இஞ்சியை தோல் சீவி நறுக்கவும்.
* வாணலியில் சிறிதளவு எண்ணெய் விட்டு பச்சை மிளகாய், இஞ்சியை போட்டு நன்றாக வதக்கி ஆற வைக்கவும்.
* மிக்சியில் வதக்கிய இஞ்சி, புளி, பொடித்த வெல்லம், உப்பு சேர்த்து, சிறிதளவு நீர்விட்டு அரைக்கவும்.
* மற்றொரு கடாயை அடுப்பில் வைத்து மீதமுள்ள எண்ணெயை விட்டு, அரைத்து வைத்த விழுதைச் சேர்த்து அடுப்பை மிதமான தீயில் வைத்து கெட்டியாகும் வரை கிளறி இறக்கவும்.
* சூப்பரான இஞ்சி – பச்சை மிளகாய் தொக்கு ரெடி.
குறிப்பு: இதை சப்பாத்தி, தோசைக்கு தொட்டு சாப்பிடலாம். இஞ்சி ஜீரண சக்திக்கு மிகவும் நல்லது.