உளுந்தம் பருப்பில் எண்ணற்ற சத்துக்கள் நிறைந்துள்ளது. அனைத்து வயதினருக்கும் ஏற்ற சத்தான உளுந்து கஞ்சி செய்வது எப்படி என்று பார்க்கலாம்.
சத்தான சுவையான உளுந்து கஞ்சி
தேவையான பொருட்கள் :
பச்சரிசி – 1/2 கப்,
உளுந்து – 1/2 கப்,
தண்ணீர் – 7 கப்,
பூண்டு (சிறியது) – 30 பல்,
தேங்காய்ப்பால் – 1 கப்,
உப்பு – தேவைக்கு.
செய்முறை :
* குக்கரில் உளுந்தை போட்டு வாசனை வரும் வரை வறுத்து, அதில் 5 கப் தண்ணீர், பச்சரிசி, உப்பு, பூண்டு சேர்த்து குக்கரை மூடி மிதமான தீயில் 8 விசில் வரும்வரை வேக விடவும்.
* 2 கப் தண்ணீரை நன்றாக கொதிக்க வைக்கவும்.
* பிரஷர் போனதும் குக்கரைத் திறந்து 2 கப் கொதிக்கும் தண்ணீரை சேர்த்துக் கலக்கவும்.
* பிறகு 1 கப் தேங்காய்ப்பால் சேர்த்துக் 2 நிமிடம் மிதமான தீயில் வைத்து நன்றாக கலந்து சூடாக பரிமாறவும்.
* சத்தான சுவையான உளுந்து கஞ்சி ரெடி.