தேவையான பொருட்கள்:
வரகு அரிசி சாதம் – 1 கப்
தண்ணீர் – 2 1/2 கப்
பச்சை நிற குடைமிளகாய் – 1
சிவப்பு நிற குடைமிளகாய் – 1
கடுகு – 1/2 தேக்கரண்டி
சீரகம் – 1/2 தேக்கரண்டி
நல்லெண்ணை – 1 தேக்கரண்டி
மஞ்சள் தூள் – 2 சிட்டிகைகள்
கொத்தமல்லி தழை – 2 தேக்கரண்டி
இந்துப்பு – சுவைக்கேற்ப
குடைமிளகாய் மசாலா பொடி தயாரிக்க:
உளுத்தம் பருப்பு – 1 தேக்கரண்டி
கொத்தமல்லி விதை – 1 தேக்கரண்டி
காய்ந்த மிளகாய் – 3
கறிவேப்பிலை – 2 ஈர்க்கு
துருவிய தேங்காய் – 2 தேக்கரண்டி
செய்முறை:
• குடைமிளகாயை நீளவாக்கில் வெட்டிகொள்ளவும்.
• வாணலியில், ‘குடைமிளகாய் மசாலா பொடி தயாரிக்க கொடுக்கப்பட்டுள்ள பொருட்களை ஒன்றன் பின் ஒன்றாக அதே வரிசையில் போட்டு வறுத்து ஆற வைத்து மிக்ஸியில் போட்டு நன்றாக பொடித்து கொள்ளவும்.
• வாணலியில் எண்ணெய் ஊற்றி, கடுகு, சீரகம், கறிவேப்பிலை போட்டு தாளிக்கவும். பின் குடைமிளகாயை சேர்த்து மூடி வைத்து வதக்கவும். தேவைப்பட்டால் இடையிடையே சிறிது நீர் தெளிக்கலாம்.
• குடைமிளகாய் முக்கால் பதம் வெந்ததும், அரைத்து வைத்துள்ள மசாலா பொடி போட்டு, அதனுடன் மஞ்சள் தூள் மற்றும் உப்பு சேர்த்து இரண்டு நிமிடங்கள் வதக்கவும்.
• பின்னர் வரகரிசி சாதத்தை போட்டு மசாலா நன்றாக கலக்கும்படி கிளறவும்.
• இறுதியில் கொத்தமல்லி தழை தூவவும்.
• சுவைக்கேற்ப இந்துப்பு சேர்க்கவும். • ஏதாவது ஒரு வகை ராய்தாவுடன் பரிமாறவும்.