சுவையான சத்தான கம்பு தயிர் சாதம் செய்வது எப்படி என்று பார்க்கலாம்.
கம்பு தயிர்சாதம் செய்வது எப்படி
தேவையான பொருட்கள் :
கம்பு – 1/4 கோப்பை
சின்ன வெங்காயம் – 5 அல்லது (பெரிய வெங்காயம் – சிறிது 1 )
ப.மிளகாய் – 1
தயிர் – தே.அ
உப்பு – தே. அ
தாளிக்க வேண்டியவை :
எண்ணெய் – 1/2 தே.க
கடுகு – 1/4 தே.க
காய்ந்த மிளகாய் – 1
பெருங்காய துள் – சிறிது
கறிவேப்பிலை – சிறிது
செய்முறை :
* வெங்காயம், ப.மிளகாயை பொடியாக நறுக்கி கொள்ளவும்.
* கம்பை கழுவி விட்டு 15 முதல் 20 நிமிடங்கள் ஊற வைக்கவும். (நேரம் கூட ஊறினால் பரவாயில்லை). தண்ணீரை வடித்து விட்டு மிக்ஸியில் கொரகொரப்பாக உடைத்துக் கொள்ளவும்.
* அரைத்த கம்புடன் 1 1/2 டம்ளர் தண்ணீர் சேர்த்து + ப.மிளகாய் + வெங்காயம் சேர்த்து மைக்ரோவேயில் 6 நிமிடங்கள் வைக்கவும். நடுநடுவே கிளறிவிடவும்.
* வாணலியில் கொதிக்கவிட 10 நிமிடங்களில் வெந்து விடும்.
* சூடு ஆறிய பின் தயிர் + உப்பு சேர்த்து கலக்கவும்.
* கடாயை அடுப்பில் வைத்து எண்ணெய் ஊற்றி சூடானதும் தாளிக்க கொடுக்கப்பட்டுள்ள பொருட்களை போட்டு தாளித்து தயிர் சாதத்தில் கலந்து பரிமாறவும்.
* சுவையான சத்தான கம்பு தயிர் சாதம் ரெடி.
