கேழ்வரகு புட்டு

தேவையான பொருட்கள் :

கேழ்வரகு மாவு – ஒரு கப்
கருப்பட்டி – ஒரு கப்
தேங்காய் துருவல் – ஒரு கப்
ஏலக்காய் – 4
உப்பு – கால் தேக்கரண்டி

செய்முறை :

• கருப்பட்டியுடன் உப்பு மற்றும் ஏலக்காய் சேர்த்து மிக்ஸியில் கொரகொரப்பாக பொடி செய்து கொள்ளவும்.

• கேழ்வரகு மாவுடன் அரைத்து வைத்துள்ள கருப்பட்டி கலவையை சேர்க்கவும்.

• ஒரு டம்ளர் தண்ணீரைக் கொதிக்க வைத்து மாவில் ஊற்றி உதிரியாக இருக்கும்படி பிசைந்து கொள்ளவும்.

• பின் புட்டு பாத்திரத்தில் தண்ணீர் ஊற்றி கொதிக்கவிடவும். புட்டு குழாயில் முதலில் தேங்காய் துருவல் அதன் மேல் கேழ்வரகு மாவு, பிறகு மீண்டும் தேங்காய் துருவல், கேழ்வரகு மாவு என மாற்றி மாற்றி புட்டுக் குழாயை நிரப்பவும்.

• அதை அப்படியே மூடி புட்டு பாத்திரத்தில் வைத்து 20 நிமிடங்கள் வேகவிட்டு இறக்கவும். சுவையான கேழ்வரகு புட்டு தயார்.