ஸ்பைசி சிக்கன் சூப்

தேவையான பொருட்கள் :

சிக்கன் – 250 கிராம்
வெங்காயம் – 1
தக்காளி – 1
பச்சை மிளகாய் – 1
சோம்பு – 1/4 டீஸ்பூன்
பட்டை – 1 இன்ச்
கரம் மசாலாப்பொடி – 1/4 டீஸ்பூன்
மிளகுப் பொடி – 1 டீஸ்பூன்
உப்பு – தேவையான அளவு
எண்ணெய் – 1 டேபிள் ஸ்பூன்
கொத்தமல்லி – சிறிது

செய்முறை :

• வெங்காயம், தக்காளியை பொடியாக நறுக்கிக் கொள்ளவும்.

• பச்சை மிளகாயை நீளவாக்கில் நறுக்கிக் கொள்ளவும்.

• சிக்கனை கழுவி சிறு சிறு துண்டுகளாக எலும்பில்லாமல் நறுக்கிக் கொள்ளவும்.

• ஒரு குக்கரில் எண்ணெய் ஊற்றி சூடானதும் அதில் சோம்பு, பட்டை போட்டு தாளித்த பின் வெங்காயம், தக்காளி, பச்சை மிளகாய் போட்டு வதக்கி, கடைசியாக சிக்கனையும் போட்டு வதக்கவும்.

• பின் அதில் கரம் மசாலாப் பொடி, மிளகுப்பொடி, உப்பு போட்டு 4 முதல் 5 கப் தண்ணீர் சேர்த்து வேகவிடவும்.

• நன்கு வெந்ததும் திறந்து கொத்தமல்லி தூவி பரிமாறவும்.