ஆப்பிள் – திராட்சை லஸ்ஸி

தேவையான பொருட்கள் :

ஆப்பிள் – 1
கெட்டித் தயிர் – 2 கப்
பன்னீர் திராட்சை – 100 கிராம்
தேன் – 3 ஸ்பூன்
உப்பு     – 2 சிட்டிகை
தண்ணீர் – 1 கோப்பை

செய்முறை :

• திராட்சை பழத்தில் தேன் சேர்த்து ஒரு கரண்டி நீர் விட்டு வேக வைக்கவும். வெந்ததும் அடுப்பில் இருந்து இறக்கி ஆற வைத்து ஆறியதும் வடிகட்டியில் வடிக்கட்டி விதைகளை நீக்கவும்.

• ஆப்பிளை நன்கு கழுவி விதைகளை நீக்கி, துண்டுகளாக்கி ஆப்பிளை மிக்ஸியில் போட்டு, ஜூஸை எடுக்கவும்.

• திராட்சைப் பழங்களையும் அதன் பாகுடன் சிறிது நீர்விட்டு மிக்ஸியில் போட்டு அரைக்கவும்.

• பிறகு திராட்சைப் பழக்கலவை, ஆப்பிள் ஜூஸ், தயிருடன் மிக்ஸியில் போட்டு எல்லாம் நன்கு கலக்கும் வரை விட்டுவிட்டுக் அரைக்கவும்.

• பிறகு உப்பு, ஐஸ் கட்டிகள் சேர்த்து தேவைப்பட்டால் நீர் ஊற்றி நுரை போல வரும்போது டம்ளர்களில் ஊற்றிப் பரிமாறலாம்.

• சத்தான சுவையான ஆப்பிள் – திராட்சை லஸ்ஸி தயார்.