மாலையில் குழந்தைகளுக்கு ஏதாவது வித்தியாசமாக டிபன் செய்து கொடுக்க நினைத்தால் பாஜ்ரா பூரி செய்து கொடுக்கலாம். இந்த பூரி காரசாரமாக சாப்பிட சூப்பராக இருக்கும்.
சூப்பரான டிபன் பாஜ்ரா பூரி
தேவையான பொருட்கள் :
கம்பு மாவு – 2 கப்,
வெள்ளை எள் – 2 டீஸ்பூன்,
சீரகத் தூள் – 1 டீஸ்பூன்,
மாங்காய்த் தூள் – 1 டீஸ்பூன்,
வெந்தயக்கீரை – 2 கட்டு
பொடித்த சர்க்கரை – 1/2 டீஸ்பூன்,
மஞ்சள் தூள் – சிறிது,
இஞ்சி, பூண்டு விழுது – தலா 1/2 டீஸ்பூன்,
உப்பு, தண்ணீர், பொரிப்பதற்கு எண்ணெய் – தேவைக்கு,
மிளகாய்த் தூள் – 1/2 டீஸ்பூன்,
தனியாத் தூள் – 1/2 டீஸ்பூன்.
செய்முறை :
* வெந்தயக்கீரையை காம்பு இல்லாமல் பொடியாக நறுக்கி கொள்ளவும்.
* ஒரு பாத்திரத்தில் கம்பு மாவு, வெள்ளை எள், சீரகத் தூள், மாங்காய்த் தூள், வெந்தயக்கீரை, பொடித்த சர்க்கரை, மஞ்சள் தூள், இஞ்சி, பூண்டு விழுது, மிளகாய்த் தூள், தனியாத் தூள் சேர்த்து நன்றாக கலக்கவும்.
* கலந்த மாவில் தேவையான அளவு தண்ணீர் சேர்த்து பூரி மாவு பதத்திற்கு கெட்டியாக பிசைந்து, அதன் மேல் எண்ணெய் 1 டீஸ்பூன் தடவி மூடி 15 நிமிடங்கள் வைக்கவும்.
* பின் மாவை எடுத்து உள்ளங்கையில் எண்ணெய் பூசிக் கொண்டு நன்கு உருட்டவும்.
* பிசைந்த மாவில் இருந்து சிறு சிறு உருண்டைகளாக உருட்டி உள்ளங்கை கொண்டு பூரி மாதிரி கையில் மெல்லியதாக பூரிகள் தட்டவும். இந்த பூரிகள் கட்டையால் உருட்டக்கூடாது.
* கடாயில் எண்ணெய் ஊற்றி சூடானதும் ஒவ்வொறு பூரிகளாக போட்டு பொரிக்கவும். கரண்டி கொண்டு அழுத்தியும் அதன் மேல் எண்ணெயை கொஞ்ச கொஞ்சமாக ஊற்றியும் பொரித்து எடுக்கவும். திருப்பிப் போட்டு பொரித்து எடுத்து வடித்து பரிமாறவும்.
* சூப்பரான பாஜ்ரா பூரி ரெடி.
* இந்த பூரிக்கு தொட்டு கொள்ள எதுவும் தேவையில்லை. விருப்பப்பட்டால் தயிர் பச்சடி, உருளைக்கிழங்கு மசாலா வைத்து சாப்பிடலாம்.
