30.3 C
Chennai
Tuesday, May 21, 2024
201701231039011507 pavakkai sambar Bitter gourd sambar SECVPF
சைவம்

கசப்பில்லாத பாகற்காய் சாம்பார் செய்வது எப்படி

நீரிழிவு நோயாளிகளுக்கு மட்டுமின்றி, அனைவருக்குமே பாகற்காய் மிகவும் நல்லது. இங்கு பாகற்காய் சாம்பாரை எப்படி கசப்பின்றி செய்வதென்று பார்க்கலாம்.

கசப்பில்லாத பாகற்காய் சாம்பார் செய்வது எப்படி
தேவையான பொருட்கள் :

பாகற்காய் – 200 கிராம்
துவரம்பருப்பு – 2 கப்
புளி – எலுமிச்சை அளவு
வெங்காயம் – 1
தக்காளி – 1
தேங்காய் துருவல் – 5 மேசைக்கரண்டி
தனியா – 4 தேக்கரண்டி
மிளகாய் வற்றல் – 8
துவரம் பருப்பு – 1 தேக்கரண்டி
உளுத்தம் பருப்பு – 1 தேக்கரண்டி
கடலைப் பருப்பு – 1 தேக்கரண்டி
வெந்தயம் – அரை தேக்கரண்டி
சீரகம் – அரை தேக்கரண்டி
உப்பு – தேவையான அளவு
கொத்தமல்லி – சிறிதளவு

தாளிக்க :

எண்ணெய் – 1 தேக்கரண்டி
கடுகு – கால் தேக்கரண்டி
பெருங்காய தூள் – கால் தேக்கரண்டி
மிளகாய் வற்றல் – 2
கறிவேப்பிலை – தேவைக்கு

செய்முறை :

* புளியை வெந்நீரில் ஊற வைத்து கரைத்து வடிகட்டவும்.

* பாகற்காயை விதை நீக்கி வட்ட வடிவில் நறுக்கி தயிரில் பிசைந்து அரை மணி நேரம் ஊறவைக்கவும். இது பாகற்காயின் கசப்பை நீக்க உதவும். பிறகு நன்றாக நீரில் அலசி, வேகவைத்து எடுக்கவும்.

* தனியா, மிளகாய் வற்றல், பருப்பு வகைகள், சீரகம், வெந்தயம் எல்லாவற்றையும் வெறும் வாணலியில் தனித்தனியாக வறுத்து ஆறியதும் மிக்சியில் போட்டு பொடித்து கொள்ளவும்.

* மிக்சியில் தேங்காய் துருவலை போட்டு நைசாக அரைத்து கொள்ளவும்.

* பெரிய வெங்காயம், கொத்தமல்லி, தக்காளி பொடியாக நறுக்கி கொள்ளவும்.

* குக்கரில் நறுக்கி வெங்காயம், தக்காளி, துவரம் பருப்பை சேர்த்து வேகவைத்து கொள்ளவும். பருப்பு வெந்ததும் அதை மசித்து கொள்ளவும்.

* கரைத்த புளியை அடி கனமான பாத்திரத்தில் ஊற்றி மஞ்சள் தூள், உப்பு சேர்த்து கொதிக்க விடவும்.

* அடுத்து அதில் பாகற்காயை சேர்த்து பொடித்த மிளகாய், பருப்பு வகைகளை சேர்த்து கொதிக்கவிடவும்.

* அடுத்து அதில் அரைத்த தேங்காய் விழுது, வேகவைத்து மசித்த பருப்பை சேர்த்து நன்கு கொதிக்க விடவும்.

* கடாயை அடுப்பில் வைத்து எண்ணெய் ஊற்றி சூடானதும் கடுகு, கறிவேப்பிலை, பெருங்காயத்தூள் தாளித்துக் சாம்பாரில் கொட்டி 5 நிமிடம் மிதமான தீயில் கொதிக்க விடவும்.

* இறக்கும் போது கொத்தமல்லி தழை தூவி இறக்கவும்..

* சூப்பரான பாகற்காய் சாம்பார் ரெடி.

* தக்காளி, தேங்காய் துருவல் சேர்ப்பதால் பாகற்காய் சாம்பார் கசப்பில்லாமல் சுவையாக இருக்கும். 201701231039011507 pavakkai sambar Bitter gourd sambar SECVPF

Related posts

சூப்பரான உருளைக்கிழங்கு – பிரட் பிரியாணி

nathan

சுவையான சத்தான வெங்காயத்தாள் பொரியல்

nathan

கோவைக்காய் பொரியல்

nathan

உடலுக்கு சக்தியை கொடுக்கும் கொள்ளு உருண்டை குழம்பு….

nathan

முருங்கைக்காய் அவியல்

nathan

சோயா மட்டர் புலாவ்|soya matar pulao recipe in tamil

nathan

உருளைக்கிழங்கு பீன்ஸ் பொரியல்

nathan

மிளகு மோர்க்குழம்பு செய்வது எப்படி

nathan

முட்டைகோஸ் – பட்டாணி சாதம்

nathan