இந்த வெள்ளை பணியாரத்தை செய்வது மிகவும் சுலபம். மாலையில் சூடாக சாப்பிட சுவையான வெள்ளை பணியாரம் செய்து எப்படி என்று பார்க்கலாம்.
செட்டிநாடு வெள்ளை பணியாரம் செய்வது எப்படி
தேவையான பொருட்கள் :
பச்சரிசி – ஒரு கப்,
உளுந்து – 4 டேபிள்ஸ்பூன்,
நெய் – 2 டீஸ்பூன்,
சர்க்கரை – ஒரு டீஸ்பூன்,
எண்ணெய் – பொரிப்பதற்கு தேவையான அளவு,
உப்பு – தேவையான அளவு.
செய்முறை :
* அரிசி, உளுந்தை சேர்த்து சுத்தம் செய்து 2 மணி நேரம் ஊறவிடவும்.
* நன்றாக ஊறிய பிறகு உப்பு, சர்க்கரை சேர்த்து நைஸாக அரைக்கவும் (தோசை மாவு பதத்தில் இருக்க வேண்டும்).
* வாணலியில் எண்ணெய், நெய் ஊற்றி, காய்ந்ததும் வட்ட வடிவ அகலக் கரண்டியால் மாவை ஊற்றவும். ஒருபுறம் வெந்ததும் மறுபுறம் திருப்பி போட்டு வேகவிடவும். இதை ஒவ்வொன்றாகத்தான் செய்ய வேண்டும்.
* சுவையான செட்டிநாடு வெள்ளை பணியாரம் ரெடி.
குறிப்பு: மாவு புளிக்கக் கூடாது. அரைத்த 10 நிமிடத்தில் செய்யவும். இதற்கு கார சட்னி சூப்பர் காம்பினேஷன்!