சில்லி பேபிகார்ன் கடைகளில் வாங்கி சாப்பிடுவதற்கு பதிலாக வீட்டிலேயே எளிய முறையில் செய்யலாம். அது எப்படி என்று கீழே பார்க்கலாம்.
குழந்தைகளுக்கு விருப்பமான சில்லி பேபிகார்ன்
தேவையான பொருட்கள் :
பேபிகார்ன் – 200 கிராம்,
சோயா சாஸ் – 2 ஸ்பூன்,
கார்ன் ஃப்ளோர் – 2 ஸ்பூன்,
மைதா – 2 ஸ்பூன்,
தக்காளி சாஸ் – 2 ஸ்பூன்,
சில்லி சாஸ் – 1 ஸ்பூன்,
வெங்காயம் – 2,
ப.மிளகாய் – 4,
இஞ்சி – சிறிய துண்டு,
மிளகுத்தூள் – ½ ஸ்பூன்,
அஜினோமோட்டோ – ½ ஸ்பூன், (தேவையானால்),
எண்ணெய் தேவைக்கேற்ப.
செய்முறை :
* வெங்காயம், ப.மிளகாயை நீளவாக்கில் நறுக்கி கொள்ளவும்.
* இஞ்சிய துருவிக் கொள்ளவும்.
* பேபி கார்ன் துண்டுகளில் சிறிது உப்பு, மைதா மற்றும் கார்ன் – ப்ளோரை சேர்த்து கலந்து அரை மணி நேரம் ஊற வைக்க வேண்டும்.
* நன்றாக ஊறிய பேபி கார்னை எண்ணெயில் போட்டு பொரித்தெடுக்க வேண்டும்.
* மற்றொரு கடாயில் எண்ணெய் ஊற்றி வெங்காயம், பச்சை மிளகாய் நறுக்கியது, இஞ்சி துருவல் சேர்த்து நன்கு வதக்க வேண்டும்.
* லேசாக வதங்கிய பின் மிளகுத்தூள், சோயா சாஸ், தக்காளி சாஸ், சில்லி சாஸ், உப்பு, அஜினோமோட்டோ சேர்த்து வதக்கி பின் அதில் பொரித்து வைத்த பேபிகார்னை சேர்த்து கொத்தமல்லி இலையை தூவி பறிமாற வேண்டும்.
* சுவையான சில்லி பேபிகார்ன் ரெடி. 
