கேழ்வரகு உடலுக்கு மிகவும் நல்லது. குழந்தைகளுக்கு கேழ்வரகு மாவில் வெல்லம் சேர்த்து தோசை செய்து கொடுத்து அசத்தலாம்.
சூப்பரான கேழ்வரகு வெல்லம் தோசை
தேவையான பொருட்கள் :
கேழ்வரகு மாவு – ஒரு கப்
வெல்லம் அல்லது கருப்பட்டி – அரை கப்
ஏலக்காய் தூள் – அரை டீஸ்பூன்
உப்பு – ஒரு சிட்டிகை
நெய் – தேவையான அளவு
செய்முறை :
* வெல்லத்தை பொடித்து கொள்ளவும்.
* ஒரு கிண்ணத்தில் கேழ்வரகு மாவு, பொடி செய்த வெல்லம், ஏலக்காய் தூள், உப்பு ஆகியவற்றை சேர்த்து நன்றாக கலந்து தோசை மாவு பதத்திற்கு கரைத்து கொள்ளவும்.
* தோசை கல்லை அடுப்பில் வைத்து சூடானதும் அதில் மாவை தோசைகளாக ஊற்றி, சுற்றி நெய் ஊற்றி வெந்தவுடன் திருப்பி போட்டு வெந்ததும் எடுத்து பரிமாறவும்.
* சூப்பரான கேழ்வரகு வெல்லம் தோசை ரெடி.