கேரளாவில் மிகவும் பிரபலமான பண்டிகை ஓணம். ஓணம் தினமான இன்று ஸ்பெஷல் சமையல் செய்முறைகளை பார்க்கலாம்.
ஓணம் ஸ்பெஷல்: ஓலன் செய்வது எப்படி
தேவையான பொருட்கள் :
பூசணி கீற்று – 2
காராமணி – 1 கப்
பச்சைமிளகாய் – 4
தேங்காய் பால் – 1 கப்
சேப்பங்கிழங்கு – 3
தேங்காய் எண்ணெய் – 1 டேபிள்ஸ்பூன்
கடுகு – 1 டீஸ்பூன்
உளுத்தம்பருப்பு – 1 டீஸ்பூன்
செய்முறை :
* பூசணி கீற்றுகளை தோலை எடுத்து விட்டு சிறு சிறு துண்டுகளாக நறுக்கிக்கொள்ளவும்.
* சேப்பங்கிழங்கை தனியாக வேக வைத்து தோல் உரித்து துண்டுகளாக நறுக்கி வைக்கவும்.
* காராமணியை வாசனை வரும் வரை வெறும் கடாயில் வறுத்து ஒரு கப் தண்ணீரில் வேகவைக்கவும்
* பச்சை மிளகாயை நீளவாக்கில் கீறிக்கொள்ளவும்.
* அடுப்பில் ஒரு அகண்ட பாத்திரத்தை வைத்து அதில் நறுக்கிய பூசணித்துண்டுகள், சேப்பங்கிழங்கு, வேகவைத்த காராமணி, பச்சை மிளகாய், ஒரு கப் தண்ணீர் சேர்த்து வேகவைக்கவும்.
* பூசணித்துண்டுகள் நன்றாக வெந்ததும் தேவையான உப்பு சேர்க்கவும்.
* பின்னர் தேங்காய் பால் சேர்த்து கொதிக்கவிடவும்.
* கடைசியில் தேங்காய் எண்ணெயில் கடுகு, உளுத்தம்பருப்பு தாளித்துக் கொட்டவும்.
* ஓலனை சாதத்தோடு பிசைந்தும் சாப்பிடலாம்.
* சுவையான ஓணம் ஸ்பெஷல் ஓலன் ரெடி.