குழந்தைகளுக்கு இந்த பேரீச்சம்பழ கீர் மிகவும் பிடிக்கும். இதை எப்படி செய்வது என்று பார்க்கலாம்.
குழந்தைகளுக்கு விருப்பமான பேரீச்சம்பழ கீர்
தேவையான பொருட்கள் :
பேரீச்சம் பழம் – 20,
பால் – 2 கப்,
தேங்காய்ப் பால் – அரை கப்,
சர்க்கரை – கால் கப்
சிறிய துண்டாக நறுக்கிய பேரீச்சம்பழம் – 3 டேபிள்ஸ்பூன்,
சீவிய முந்திரி, பாதாம் – 3 டேபிள்ஸ்பூன்,
ஏலக்காய் தூள் – சிறிதளவு,
நெய் – 1 டேபிள்ஸ்பூன்.
செய்முறை :
* பேரீச்சம் பழங்களை அரை கப் வெதுவெதுப்பான பாலில் 20 நிமிடம் ஊற விடவும்.
* கடாயில் நெய்யை சூடேற்றி முந்திரி, பாதாம், பேரீச்சம் பழங்களை சேர்த்து மொறுமொறுப்பாகும் வரை வறுக்கவும்.
* ஊற வைத்திருக்கும் பேரீச்சம் பழங்களை சிறிது பாலுடன் சேர்த்து மிக்சியில் போட்டு கொரகொரப்பாக அரைக்கவும்.
* பாலை மிதமான தீயில் 5 நிமிடம் கொதிக்க விடவும். இத்துடன் அரைத்த பேரீச்சம் பழ விழுது, சர்க்கரை சேர்த்து மிதமான தீயில் 10 நிமிடம் வைத்து கெட்டியாகும் வரை வைக்கவும்.
* இத்துடன் நெய்யில் வறுத்த பாதியளவு பேரீச்சம் பழம், பாதாம், முந்திரி, ஏலக்காய் தூள், தேங்காய்ப் பால் சேர்த்த பிறகு அடுப்பை அணைக்கவும்.
* மேலே சில நெய்யில் வறுத்த பருப்புகள், பேரீச்சம் பழம் தூவி அலங்கரிக்கவும்.
* குளிர்ச்சியாகவும் மிதமான சூட்டிலும் பரிமாறலாம்.
* இதிலேயே இனிப்பு சேர்க்க தேவையில்லை. சிறிதளவு சேர்த்தால் போதுமானது. 