தேவையான பொருட்கள் :
வறுத்த வேர்க்கடலை (தோல் நீக்கியது) – ஒரு கப்
பொடித்த வெல்லம் – அரை கப்
ஏலக்காய் தூள் – அரை தேக்கரண்டி
நெய் – 1 ஸ்பூன்
செய்முறை :
* வேர்க்கடலையை சுத்தம் செய்து வைக்கவும்.
* அடி கனமான பாத்திரத்தை அடுப்பில் வைத்து சிறிது தண்ணீர் ஊற்றி கொதி வந்ததும் வெல்லத்தூளை போட்டு கிளறி கொண்டே இருக்கவும்.
* வெல்லம் நன்றாக கரைந்ததும் அதை வடிகட்டி மற்றொரு பாத்திரத்தில் மாற்றி மீண்டும் கொதிக்க விடவும்.
* பாகு நல்ல பதம் வரும்வரை கொதிக்கவேண்டும். அதில் சிறிது ஏலக்காய் தூளை சேர்க்கவும். சிறிதளவு பாகை எடுத்து தண்ணீரில் விட்டு, அதை எடுத்து உருட்டி ஒரு தட்டில் போட்டால் சத்தம் வரவேண்டும். இது தான் சரியான பதம்.
* ஒரு தட்டில் நெய் தடவி வைக்கவும்.
* அந்த சமயத்தில் பாகை இறக்கி, வேர்க்கடலையைச் சேர்த்து நன்கு கிளறி, நெய் தடவிய தட்டில் கொட்டி, சமமாகப் பரப்பவும்..
* ஆறியதும் துண்டுகள் போடுங்கள். 
