உடல் எடையை குறைக்கும் கோதுமை மோர்க்கூழ்

உடல் எடையை குறைக்க விரும்புபவர்கள் இந்த கோதுமை மோர்க்கூழை மதிய வேளைகளில் செய்து சாப்பிடலாம்.

உடல் எடையை குறைக்கும் கோதுமை மோர்க்கூழ்
தேவையான பொருட்கள் :

அரிசி மாவு – 2 கப்
கோதுமை மாவு – 1 கப்
தண்ணீர் – 2 கப்
மோர் – 2 கப்
எண்ணெய் – 2 ஸ்பூன்
கடுகு – 1 ஸ்பூன்
பெருங்காயம் – 1/2 ஸ்பூன்
காய்ந்த மிளகாய் – 6
உ.பருப்பு – 1 டீ ஸ்பூன்
உப்பு – தேவையான அளவு
கொத்தமல்லித் தழை

செய்முறை:

* அரிசி மாவு, கோதுமை மாவை தண்ணீர் ஊற்றி கரைத்து கொள்ளவும்.

* எண்ணெய் காய்ந்ததும் கடுகு, பெருங்காயம், உளுத்தம்பருப்பு, காய்ந்த மிளகாய் தாளித்து, தண்ணீர் ஊற்றவும்.

* கொதிவந்தவுடன் உப்பைப் போட்டு கரைத்து வைத்து மாவை கொஞ்சம் கொஞ்சமாக ஊற்றி கைவிடாமல் கிளற வேண்டும்.

* கொஞ்சம் கெட்டியானவுடன் மோர்விட்டு கைவிடாமல் கிளறிக் கொண்டேயிருக்கவும்.

* மோர் கூழில் ஒன்று சேர்ந்தவுடன் இறக்கி எண்ணெய் தடவிய தட்டில் கொட்டி கொத்தமல்லித் தூவி, துண்டுகளாக வெட்டி பரிமாறவும்.

* உடல் இளைக்க விரும்புபவர்கள் மதிய நேரத்திற்கு சாப்பிட உகந்தது இந்த மோர்க்கூழ்.