சுவையான கோவைக்காய் சட்னி செய்வது எப்படி என்று பார்க்கலாம்.
கோவைக்காய் சட்னி செய்முறை விளக்கம்
தேவையான பொருட்கள் :
கோவைக்காய் – 100 கிராம்
பச்சை மிளகாய் – 3
புளி – நெல்லிக்காய் அளவு
சின்ன வெங்காயம் – 10
பெருங்காயதூள் – 1/4 சிட்டிகை
நல்லெண்ணெய் – 50 மில்லி
கடுகு, உப்பு, கறிவேப்பிலை (தாளிக்க)
செய்முறை :
* கோவைக்காயை பொடியாக நறுக்கி இட்லி சட்டியில் வைத்து ஆவியில் வேக வைத்து ஆற வைக்கவும்.
* ஆறிய கோவையுடன் புளியை சேர்த்து மிக்சியில் கொரகொரப்பாக அரைத்து கொள்ளவும்.
* சின்ன வெங்காயம், பச்சை மிளகாயை பொடியாக நறுக்கி எண்ணெயில் வதக்கி அதையும் மிக்சியில் போட்டு அரைத்து எடுக்கவும்.
* வாணலியில் கடுகு, பெருங்காயதூள், கறிவேப்பிலை போட்டு தாளித்த பின்னர் அரைத்த இரு கலவைகளையும் கொட்டி உப்பு, தண்ணீர் சேர்த்துக் கிளறி சட்னி பதம் வரும் வரை கொதிக்க வைத்து இறக்கவும்.
* கோவைக்காய் சட்னி சட்னி தயார்!