சுவையான ஐயங்கார் எள் சாதம் செய்வது எப்படி என்று பார்க்கலாம்.
ஐயங்கார் எள் சாதம் செய்வது எப்படி
தேவையான பொருள்கள் :
பச்சரிசி – 1 கப்
எள் – 100 கிராம்
காய்ந்த மிளகாய் – 6
உப்பு – தேவையான அளவு
தாளிக்க – நல்லெண்ணெய், கடுகு, உளுத்தம் பருப்பு, கடலைப் பருப்பு, நிலக்கடலை, பெருங்காயம், கறிவேப்பிலை.
செய்முறை :
* பச்சரிசியை உதிரியாக வேக வைத்து ஆற வைத்து கொள்ளவும்.
* வாணலியில் அடுப்பில் வைத்து எண்ணெய் விடாமல் எள்ளை வறுக்கவும். படபடவென பொரியும் போது எடுத்து வைக்கவும்.
* அடுத்து அதே கடாயில் எண்ணெய் 1 டீஸ்பூன் விட்டு மிளகாயை வறுத்து, எள், உப்பு சேர்த்து மிக்ஸியில் பொடித்துக் கொள்ளவும். (சிறிதளவு உப்பு மட்டும்- அரைபடுவதற்காக)
* மற்றொரு வாணலியில் நல்லெண்ணெய் விட்டு, கடுகு, உளுத்தம் பருப்பு, கடலைப் பருப்பு, நிலக்கடலை, பெருங்காயம், கறிவேப்பிலை போட்டு தாளிக்கவும்.
* அடுத்து அதில் உதிரியாக வடித்த சாதத்தை கொட்டி, தேவையான உப்பு, எள் பொடியைத் தூவிக் கலந்து பரிமாறவும்.
குறிப்பு :
* விரும்பினால் ஒரு டீஸ்பூன் இட்லி மிளகாய்ப் பொடி சேர்த்துக் கலக்கலாம். சுவையாக இருக்கும்.
* காய்ந்த மிளகாய்க்குப் பதில் மிளகும், எண்ணெய்க்குப் பதில் நெய்யும் உபயோகிக்கலாம்.
* கருப்பு எள் உபயோகித்தால் சாதம் நிறம் கருப்பாக இருந்தாலும் அதிக மணமாக இருக்கும்.
