தென்னிந்திய திரையுலகில் பிரபலமான நடிகைகளில் கீர்த்தி சுரேஷ் ஒருவர். இவர் நடிப்பில் கடைசியாக வெளியான ‘மாமன்னன்’ படம் ரசிகர்களிடம் நல்ல வரவேற்பை பெற்றது.
இந்தப் படத்துக்குப் பிறகு ரகுதாத்தா, ரிவால்வர் ரீட்டா போன்ற படங்கள் வரிசையாக உள்ளன.
நவம்பர் 26ஆம் தேதி திருவனந்தபுரத்தில் நடைபெற்ற இந்தியா மற்றும் ஆஸ்திரேலியா இடையேயான டி20 போட்டிக்கான ஆன்லைன் டிக்கெட் விற்பனையை நடிகை கீர்த்தி சுரேஷ் நேற்று தொடங்கி வைத்தார்.
தற்போது, கேரள மகளிர் கிரிக்கெட் அணியின் நல்லெண்ண தூதராக கீர்த்தி சுரேஷ் நியமிக்கப்பட்டுள்ளார். மகளிர் அணிக்கு கேரள கிரிக்கெட் சங்கம் தூதரை நியமிப்பது இதுவே முதல்முறை.