பாடகி சின்மயி மீதான குற்றச்சாட்டுகள் குறித்து கவிஞர் வைரமுத்துவை மகளிர் ஆணையம் மூலம் விசாரிக்க வேண்டும் என பாஜக மூத்த தலைவர் ஹெச்.ராஜா வலியுறுத்தியுள்ளார்.
தமிழக மாவட்டம் கோவையில் நடைபெற்ற நிகழ்ச்சி ஒன்றில் கலந்து கொண்டு பேசிய வைரமுத்து, “திராவிட இயக்கங்கள் பேசியே வளர்ந்தது. ஆனால், திராவிட இயக்கங்களில் இன்று பேசவே ஆள் இல்லை.
பெரியாரையும் அம்பேத்கரையும் நவீன காலத்திற்கு நகர்த்த வேண்டும். நல்ல சிந்தனை உள்ளவர்களின் எண்ணிக்கையும் குறைந்துள்ளது.
பெண்கள் இல்லாமல், ஆண்கள் பாதுகாப்பாக உணர மாட்டார்கள். ஆனால் பெண்கள் இல்லை என்றால் ஆண்களுக்கு ஆறுதல் தேவையே இருக்காது. ”
பெண்கள் குறித்து வைரமுத்து பேசிய வீடியோ வைரலாக பரவி வரும் நிலையில், பாரதிய ஜனதா கட்சியின் மூத்த தலைவர் ஹெச்.ராஜா ட்விட்டரில் கருத்து தெரிவித்துள்ளார்.
அதில், “முதலில்.சின்மயியின் குற்றச்சாட்டுகளின் அடிப்படையில் திரு.வைரமுத்து மீது மகளிர் ஆணையம் விசாரணை நடத்த வேண்டும்” என்று பதிவிட்டுள்ளார்.
இதனிடையே, வைரமுத்து திராவிடப் போராளி வேடத்தில் ஒளிந்து கொண்டிருப்பதாக பாடகி சின்மயி தெரிவித்துள்ளார்.