கார்ன் குடைமிளகாய் கிரேவி

தேவையான பொருட்கள்:

* ஸ்வீட் கார்ன் – 1 கப் (வேக வைத்தது)

* குடைமிளகாய் – 1/2 கப் (நறுக்கியது)

* நறுக்கிய பெரிய வெங்காயம் – 1/4 கப்

* இஞ்சி பூண்டு பேஸ்ட் – 1 டேபிள் ஸ்பூன்

* பிரஷ் க்ரீம் – 3 டேபிள் ஸ்பூன்

* மிளகாய் தூள் – 1/2 டீஸ்பூன்

* மல்லித் தூள் – 1 டீஸ்பூன்

* கரம் மசாலா – 1/2 டீஸ்பூன்

* தக்காளி சாஸ் – 1 டீஸ்பூன்

* கசூரி மெத்தி – 1/2 டீஸ்பூன்

* கொத்தமல்லி – சிறிது (பொடியாக நறுக்கியது)

* எலுமிச்சை சாறு – 1 டீஸ்பூன்

* எண்ணெய் – 3 டீஸ்பூன்

* உப்பு – சுவைக்கேற்ப

வறுத்து அரைப்பதற்கு…

* பெரிய வெங்காயம் – 1 (நறுக்கியது)

* தக்காளி – 2 (நறுக்கியது)

* பூண்டு – 5 பல்

செய்முறை:

* முதலில் கடாயை அடுப்பில் வைத்து, அதில் 1 டீஸ்பூன் எண்ணெய் ஊற்றி சூடானதும், வெங்காயத்தைப் போட்டு வதக்க வேண்டும்.

* பின் அதில் தக்காளி, பூண்டு சேர்த்து பச்சை வாசனை போக நன்கு வதக்கி இறக்கி, குளிர வைக்க வேண்டும்.

* பின்பு அதை மிக்சர் ஜாரில் போட்டு நன்கு மென்மையாக அரைத்துக் கொள்ள வேண்டும்.

* பிறகு குக்கரில் ஸ்வீட் கார்னை போட்டு, 3-4 விசில் விட்டு இறக்கி தனியாக வைத்துக் கொள்ள வேண்டும்.

Corn Capsicum Gravy Recipe In Tamil
* பின்னர் ஒரு வாணலியை அடுப்பில் வைத்து, அதில் வெண்ணெய் சேர்த்து உருகியதும், வெங்காயம், இஞ்சி பூண்டு பேஸ்ட் சேர்த்து நன்கு வதக்கி, அரைத்த தக்காளி வெங்காய பேஸ்ட் சேர்த்து சிறிது நேரம் வதக்க வேண்டும்.

* அதன் பின் மிளகாய் தூள், மல்லித் தூள், கரம் மசாலா மற்றும் தேவையான அளவு உப்பு சேர்த்து சில நிமிடங்கள் கெட்டியாகும் வரை வதக்கி, 1/2 கப் நீரை ஊற்றி சில நிமிடங்கள் கொதிக்க விட வேண்டும்.

* அதற்குள் மற்றொரு அடுப்பில் ஒரு வாணலியை வைத்து, அதில் சிறிது எண்ணெய் ஊற்றி, குடைமிளகாயை சேர்த்து 5 நிமிடங்கள் வதக்கி இறக்கிக் கொள்ள வேண்டும்.

* பின்பு வதக்கிய குடைமிளகாயை கொதிக்கும் கிரேவியுடன் சேர்த்து 2 நிமிடம் குறைவான தீயில் வைத்து கொதிக்க வைக்க வேண்டும்.

* பின் அதில் தக்காளி சாஸ் மற்றும் வேக வைத்த கார்னை சேர்த்து சில நிமிடங்கள் கொதிக்க வைத்து, மேலே கொத்தமல்லி, கசூரி மெத்தியைத் தூவி இறக்கி, எலுமிச்சை சாற்றினை ஊற்றி கிளறினால், சுவையான கார்ன் குடைமிளகாய் கிரேவி தயார்.