தேவையான பொருட்கள்:
* எண்ணெய் – 1 டேபிள் ஸ்பூன்
* சீரகம் – 1/2 டீஸ்பூன்
* பூண்டு – 3
* பச்சை மிளகாய் – 3
* சின்ன வெங்காயம் – 10
* தக்காளி – 1
* சாம்பார் பவுடர் – 2 டீஸ்பூன்
* மஞ்சள் தூள் – 1/4 டீஸ்பூன்
* முருங்கைக் கீரை/அரைக்கீரை – 250 கிராம்
* துவரம் பருப்பு – 1 கப்
* உப்பு – சுவைக்கேற்ப
தாளிப்பதற்கு…
* எண்ணெய் – 1 டீஸ்பூன்
* கடுகு – 1/4 டீஸ்பூன்
* உளுத்தம் பருப்பு – 1 டீஸ்பூன்
* வரமிளகாய் – 2
* கறிவேப்பிலை – சிறிது
* பெருங்காயத் தூள் – 1 சிட்டிகை
செய்முறை:
* முதலில் துவரம் பருப்பை நன்கு கழுவி, குக்கரில் போட்டு தேவையான அளவு நீரை ஊற்றி அடுப்பில் வைத்து, குக்கரை மூடி 4 விசில் விட்டு இறக்கிக் கொள்ள வேண்டும்.
* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், சீரகம், பூண்டு, பச்சை மிளகாய் மற்றும் சின்ன வெங்காயத்தை சேர்த்து ஒரு நிமிடம் வதக்க வேண்டும்.
* பின்பு அதில் தக்காளியை சேர்த்து 2 நிமிடம் நன்கு மென்மையாகும் வரை வதக்க வேண்டும்.
Keerai Sambar Recipe In Tamil
* பிறகு அதில் கீரையை சேர்த்து ஒரு நிமிடம் மென்மையாகும் வரை வதக்கி, பின் சாம்பார் பவுடர், மஞ்சள் தூள் சேர்த்து சிறிது கிளறி சிறிது நேரம் வேக வைக்க வேண்டும்.
* பின்னர் வேக வைத்துள்ள துவரம் பருப்பை நன்கு மசித்து சேர்த்து, சுவைக்கேற்ப உப்பு தூவி கிளறி, ஒரு நிமிடம் நன்கு கொதிக்க விட வேண்டும்.
* இறுதியாக ஒரு சிறு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, உளுத்தம் பருப்பு, சீரகம், வரமிளகாய், கறிவேப்பிலை மற்றும் பெருங்காயத் தூள் சேர்த்து தாளித்து, கொதித்துக் கொண்டிருக்கும் கீரை சாம்பாருடன் சேர்த்து இறக்கினால், சுவையான கீரை சாம்பார் தயார்.