பன்னீர் போண்டா

தேவையான பொருட்கள்:

* கடலை மாவு – 1 கப்

* அரிசி மாவு – 1/4 கப்

* மிளகாய் தூள் – 1 டீஸ்பூன்

* மிளகுத் தூள் – 1 டீஸ்பூன்

* கரம் மசாலா – 1/2 டீஸ்பூன்

* சீரகப் பொடி – 1 டீஸ்பூன்

* வெங்காயம் – 1 (பொடியாக நறுக்கியது)

* பச்சை மிளகாய் – 1 (பொடியாக நறுக்கியது)

* துருவிய இஞ்சி – 1 டீஸ்பூன்

* கறிவேப்பிலை – சிறிது

* கொத்தமல்லி – சிறிது

* புதினா – 2 டேபிள் ஸ்பூன்

* உப்பு – சுவைக்கேற்ப

* பேக்கிங் சோடா/சமையல் சோடா – 1/2 டீஸ்பூன்

* பன்னீர் – 1 கப் (சதுர துண்டுகளாக்கப்பட்டது)

* தண்ணீர் – தேவையான அளவு

* எண்ணெய் – பொரிப்பதற்கு தேவையான அளவு[penci_related_posts dis_pview=”no” dis_pdate=”no” title=”” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]

செய்முறை:

* முதலில் ஒரு பௌலில் கடலை மாவை எடுத்துக் கொள்ள வேண்டும்.

* பின் அதில் அரிசி மாவு மற்றும் உப்பு சேர்த்துக் கொள்ள வேண்டும்.

* பின்பு மிளகாய் தூள், மிளகுத் தூள், கரம் மசாலா, சீரகப் பொடி சேர்த்துக் கொள்ள வேண்டும்.

* அடுத்து அதில் வெங்காயம் மற்றும் பச்சை மிளகாயைப் போட வேண்டும்.

* பிறகு கொத்தமல்லி, புதினா மற்றும் கறிவேப்பிலை சேர்க்க வேண்டும்.

* அடுத்து அதில் நீரை ஊற்றி போண்டா பதத்திற்கு ஓரளவு கெட்டியான பதத்தில் பிசைந்து கொள்ள வேண்டும்.

* பின் அதில் பன்னீர் துண்டுகள், பேக்கிங் சோடா சேர்த்து நன்கு கிளறி விட வேண்டும்.

* இறுதியாக ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும், பிசைந்து வைத்துள்ள போண்டா மாவை சிறிது சிறிதாக போட்டு, பொன்னிறமாக பொரித்து எடுத்தால், சுவையான பன்னீர் போண்டா தயார்.