கவுனி அரிசியை உணவில் சேர்த்து கொண்டால் பல்வேறு ஆரோக்கிய நன்மைகள் கிடைக்கின்றது.
மலச்சிக்கல் முதல் வயிற்று வலி போன்ற பல பிரச்னைகளுக்கு சிறந்த மருந்தாக செயற்படுகின்றது.
இந்த கவுனி அரியை களி செய்து சாப்பிட்டால் இன்னும் ஆரோக்கியமாக இருக்கும்.
குறிப்பாக ரத்தச் சர்க்கரை உயராமல் இருக்கும்.
தேவையான பொருட்கள்
கருப்புக்கவுனி அரிசி மாவு – 1 கப்
உளுந்துமாவு – 1 கப்
நெய் – 1 கப்
பனைவெல்லம் – 1 கப்
செய்முறை
கருப்புக்கவுனி அரிசி மாவு, உளுந்துமாவு இரண்டையும் பொன்னிறமாக வறுத்து வைத்துக்கொள்ள வேண்டும்.
பின்னர் பனைவெல்லத்தை 500 மில்லி லிட்டர் தண்ணீரில் கொதிக்க வைத்து பாகு ஆக்க வேண்டும்.
பின்பு அதில் மாவு வகைகளை கொட்டி, கெட்டியாகாமல் கிளற வேண்டும். நன்கு வெந்ததும் நெய் விட்டு, கிளறி இறக்க வேண்டும்.
சத்தான சுவையான கருப்புக்கவுனி களி ரெடி.