குதிரைவாலி இடியாப்பம் செய்வது எப்படி?
கோதுமையைவிட ஆறு மடங்கு அதிக நார்ச்சத்து குதிரைவாலியில் இருக்கிறது. இன்று குதிரைவாலி அரிசியில் எப்படி இடியாப்பம் செய்வது என்று பார்க்கலாம்.
தேவையான பொருட்கள் :
குதிரைவாலி அரிசி – அரை கிலோ,
உப்பு – ஒரு தேக்கரண்டி,
நல்லெண்ணெய் – ஒரு தேக்கரண்டி,
தேங்காய்த்துருவல் – கால் கப்,
நாட்டுச் சர்க்கரை – 4 மேஜைக்கரண்டி.
செய்முறை:
* குதிரைவாலி அரிசியைக் கழுவி ஒரு மணி நேரம் ஊறவைத்து, பின் நீரை வடித்துவிட்டு நிழலில் ஆறவிட்டு மெஷினில் கொடுத்து, மாவாக அரைத்துக்கொள்ளவும்.
* ஒரு பாத்திரத்தில் தேவையான அளவு மாவு எடுத்து, வெதுவெதுப்பான நீரில் எண்ணெய், உப்பு சேர்த்து சிறிது சிறிதாக ஊற்றிப் பிசைந்துகொள்ளவும்.
* இடியாப்ப அச்சில் மாவைப் போட்டுப் பிழிந்து, ஆவியில் வேகவிட்டு எடுத்தால், இடியாப்பம் தயார்.
* வெல்லம், தேங்காய்த்துருவல் தூவிப் பரிமாறவும்.