அதிகளவு சத்துக்கள் நிறைந்த வெந்தயக்கீரை தினமும் உணவில் சேர்த்து கொள்வது உடலுக்கு நல்லது. இபோது வெந்தயக்கீரை தோசை செய்வது எப்படி என்று பார்க்கலாம்.
சத்தான சுவையான வெந்தயக்கீரை தோசை
தேவையான பொருட்கள் :
வெந்தய கீரை – 2 கப்,
வெங்காயம் – 1
ப.மிளகாய் – 1
தோசை மாவு – தேவையான அளவு,
தேங்காய் துருவல் – சிறிதளவு,
நெய் – சிறிதளவு
உப்பு – தேவைக்கு
செய்முறை :
* வெங்காயம், ப.மிளகாயை பொடியாக நறுக்கி கொள்ளவும்.
* வெந்தயக்கீரையை நன்றாக சுத்தம் செய்து பொடியாக நறுக்கி கொள்ளவும்.
* ஒரு பாத்திரத்தில் சிறிதளவு நெய் விட்டு சூடானதும் வெங்காயம், ப.மிளகாயை போட்டு நன்றாக வதக்கவும்.
* வெங்காயம் நன்றாக வதங்கியதும் அதில் வெந்தயக்கீரையை போட்டு வதக்கவும்.
* வெந்தயக்கீரை பாதியளவு வெந்ததும் அதில் தேங்காய் துருவல் சிறிது உப்பு சேர்த்து ஒரு கிளறு கிளறி இறக்கவும்.
* தோசை மாவில் வதக்கிய கீரையை போட்டு நன்றாக கலக்கவும்.
* தோசை கல்லை அடுப்பில் வைத்து சூடானதும் மாவை தோசையாக ஊற்றி சுற்றி சிறிது நெய் ஊற்றி வெந்ததும் திருப்பி போட்டு வேண்டும்.
* சூப்பரான சத்தான வெந்தயக்கீரை தோசை ரெடி. 