மாலையில் குழந்தைகளுக்கு டீ, காபி, பால் கொடுப்பதற்கு பதிலாக, இன்று சற்று வித்தியாசமாக பிஸ்கட் கொண்டு மில்க் ஷேக் செய்து கொடுங்கள்.
குழந்தைகளுக்கான சாக்லேட் பிஸ்கட் மில்க் ஷேக்
தேவையான பொருட்கள் :
பால் – 2 கப்
சாக்லேட் க்ரீம் பிஸ்கட் – 3
க்ரீம் இல்லாத சாக்லேட் பிஸ்கட் – 1
சாக்லேட் சாஸ் – 2 டீஸ்பூன்
செய்முறை :
* முதலில் பாலை நன்றாக காய்ச்சி ஆற வைத்த பின் குளிர வைக்கவும்.
* மிக்சியில் பாலை ஊற்றி, அத்துடன் க்ரீம் இல்லாத சாக்லேட் பிஸ்கட்டை சேர்த்து நன்கு அடித்துக் கொள்ள வேண்டும்.
* அதன் பின் அதில் க்ரீம் உள்ள சாக்லேட் பிஸ்கட்டை சேர்த்து நன்கு மென்மையாக அடித்துக் கொள்ளவும்.
* பின்பு அதனை ஒரு டம்ளரில் ஊற்றி, அத்துடன் சாக்லேட் சாஸ் சேர்த்து நன்கு கிளறி பருகவும்.
* சாக்லேட் பிஸ்கட் மில்க் ஷேக் ரெடி!!!