சைனீஸ் மட்டன் சாப்ஸை வீட்டிலேயே எளிய முறையில் செய்யலாம். இதை எப்படி செய்வது என்று பார்க்கலாம்.
சைனீஸ் மட்டன் சாப்ஸ் செய்வது எப்படி
தேவையான பொருட்கள் :
பொரிக்க :
ஆட்டுக்கறி சாப்ஸ் துண்டுகள் – 6
இஞ்சி பூண்டு பேஸ்ட் – 1 டீஸ்பூன்
எண்ணெய் – பொரிக்க
கிரேவி செய்ய :
வெங்காயம் – 2
குடமிளகாய் – 1
அஜினமோட்டோ – 1 சிட்டிகை
சோயா சாஸ் – 2 டேபிள் ஸ்பூன்
நல்லெண்ணெய், உப்பு – தேவையான அளவு
சீனி – 1 டீஸ்பூன்
செய்முறை :
* ஒரு வெங்காயத்தை அரைத்துக் கொள்ளவும்.
* மற்றொரு வெங்காயம், குடமிளகாயை பொடியாக நறுக்கிக் கொள்ளவும்.
* மட்டனை நன்றாக கழுவி வைக்கவும்.
* கழுவிய மட்டனை ஒரு பாத்திரத்தில் போட்டு அதில் அரைத்த வெங்காயம், இஞ்சி பூண்டு விழுது, உப்பு சேர்த்துக் கலந்து கறியில் பிசறி 1 மணி நேரம் ஊறவிடவும்.
* குக்கரில் கலந்து வைத்துள்ள கறியை அந்த மசாலாவுடன் போட்டு வேக வைக்கவும்.
* கடாயில் எண்ணெய் ஊற்றி சூடானதும் வேக வைத்த கறியை போட்டு பொன்னிறமாக பொரித்தெடுக்கவும்.
* ஒரு அடிகனமான பாத்திரத்தில் நல்லெண்ணெய் சூடாக்கி அதில் வெங்காயத்தை போட்டு நன்றாக வதக்கிய பின்னர் குடமிளகாய் போட்டு வதக்கவும்.
* பின்னர் அஜினமோட்டோ, சோயா சாஸ், சீனியை சேர்த்து நன்றாக கிளறவும்.
* அடுத்து பொரித்து வைத்துள்ள சாப்ஸையும் சேர்த்து கிரேவி திக்கானதும் இறக்கவும்.
* சுவையான சூப்பரான சைனீஸ் மட்டன் சாப்ஸ் ரெடி