சத்தான சௌ சௌ சட்னி செய்வது எப்படி என்று பார்க்கலாம்.
சத்தான சௌ சௌ சட்னி
தேவையான பொருட்கள் :
சௌ சௌ – 2
தக்காளி – 1
மஞ்சள் தூள் – ¼ தேக்கரண்டி
எண்ணெய் – 1 மேசைக்கரண்டி
கடுகு – ¼ தேக்கரண்டி
உளுத்தம் பருப்பு – ¼ தேக்கரண்டி
காய்ந்த மிளகாய் – 6
கறிவேப்பிலை – 1 பிடி
உப்பு – தேவைக்கு ஏற்ப
செய்முறை :
* சௌ சௌ, தக்காளியை பொடியாக நறுக்கி கொள்ளவும்.
* கடாயில் சிறிது எண்ணெய் விட்டு சௌ சௌ, காய்ந்த மிளகாய், தக்காளியை சேர்த்து சுருள வதக்கவும்.
* வதக்கியதை ஆறவிட்டு விழுதாக அரைத்துக் கொள்ளவும்.
* நான்ஸ்டிக் கடாயில் சிறிது எண்ணெய் விட்டு, கடுகு, உளுத்தம் பருப்பு, கறிவேப்பிலை போட்டு தாளித்து அரைத்த விழுது, மஞ்சள் தூள், உப்பு சேர்த்து தண்ணீர் சுண்டும் வரை கொதிக்க விடவும்.
* விரும்பினால் ஒரு பெரிய வெங்காயம் சேர்த்து அரைத்துக் கொள்ளலாம்.
* சுவையான சத்தான சௌ சௌ சட்னி ரெடி.