முட்டைக்கோஸ் கடலைப்பருப்பு கூட்டு

தேவையான பொருட்கள்:

* மீடியம் சைஸ் முட்டைக்கோஸ் – 1 (நறுக்கியது)

* கடலைப்பருப்பு – 1/2 கப்

* துருவிய தேங்காய் – 1/2 கப்

* வெங்காயம் – 1 (பொடியாக நறுக்கியது)

* பூண்டு – 5-6 பல் (பொடியாக நறுக்கியது அல்லது தட்டியது)

* கறிவேப்பிலை – சிறிது

* பச்சை மிளகாய் – 1 (நறுக்கியது)

* சீரகம் – 1 டீஸ்பூன்

* கடுகு – 1 டீஸ்பூன்

* மஞ்சள் தூள் – 1/2 டீஸ்பூன்

* மிளகாய் தூள் – 1/2 டீஸ்பூன்

* எண்ணெய் – 3 டேபிள் ஸ்பூன்

* பெருங்காயத் தூள் – 1 சிட்டிகை

* கொத்தமல்லி – சிறிது

* உப்பு – சுவைக்கேற்ப

செய்முறை:

* முதலில் கடலைப்பருப்பை நீரில் கழுவிக் கொள்ள வேண்டும். பின் அதை நீரில் போட்டு 1 மணிநேரம் ஊற வைக்க வேண்டும்.

* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, சீரகம், பெருங்காயத் தூள் சேர்த்து தாளிக்க வேண்டும்.

* பின்பு அதில் வெங்காயத்தைப் போட்டு நன்கு வதக்க வேண்டும். பின் அதில் பூண்டு, கறிவேப்பிலை, பச்சை மிளகாய் சேர்த்து 2 நிமிடம் வதக்க வேண்டும்.

Cabbage Chana Dal Kootu Recipe In Tamil
* அடுத்து அதில் நறுக்கிய முட்டைக்கோஸ், ஊற வைத்த கடலைப் பருப்பு சேர்த்து ஒரு நிமிடம் வதக்க வேண்டும்.

* பின் அதில் மஞ்சள் தூள் மற்றும் மிளகாய் தூள் சேர்த்து, சுவைக்கேற்ப உப்பு தூவி நன்கு கிளறி, 1/2 கப் நீரை ஊற்றி மூடி வைத்து, 10-15 நிமிடம் முட்டைக்கோஸை நன்கு வேக வைக்க வேண்டும்.

* முட்டைக்கோஸ் வெந்ததும், துருவிய தேங்காயை சேர்த்து கிளறி, கொத்தமல்லியைத் தூவி இறக்கினால், சுவையான முட்டைக்கோஸ் கடலைப்பருப்பு கூட்டு தயார்.