சிக்கன் கெட்டி குழம்பு

தேவையான பொருட்கள்:

* சிக்கன் – 1/2 கிலோ

* வெங்காயம் – 1

* தக்காளி – 2

* இஞ்சி பூண்டு பேஸ்ட் – 3 டேபிள் ஸ்பூன்

* குழம்பு மிளகாய் தூள் – 2 டேபிள் ஸ்பூன்

* எண்ணெய் – 3 டேபிள் ஸ்பூன்

* உப்பு – தேவையான அளவு

அரைப்பதற்கு…

* தேங்காய் – 1 கப் (துருவியது)

* சோம்பு – 1 டீஸ்பூன்

செய்முறை:

* முதலில் சிக்கனை மஞ்சள் தூள் சேர்த்து கழுவி தனியாக வைத்துக் கொள்ள வேண்டும்.

* பின் மிக்ஸியில் தேங்காய் மற்றும் சோம்பு போட்டு, சிறிது தண்ணீர் சேர்த்து நன்கு மென்மையாக அரைத்துக் கொள்ள வேண்டும்.

* பின்பு குக்கரை அடுப்பில் வைத்து சூடேறியதும், அதில் எண்ணெய் ஊற்ற வேண்டும்.

* பின் அதில் வெங்காயத்தைப் போட்டு லேசாக வதக்கி, பின்பு இஞ்சி பூண்டு பேஸ்ட் சேர்த்து வதக்க வேண்டும்.

* பிறகு தக்காளியை சேர்த்து மென்மையாக வதக்க வேண்டும்.

* அடுத்ததாக கழுவி வைத்துள்ள சிக்கனை சேர்த்து, சிறிது உப்பு தூவி கிளறி 4-5 நிமிடம் வேக வைக்க வேண்டும்.

* பின் அதில் குழம்பு மிளகாய் தூள் சேர்த்து கிளறி, அரைத்து வைத்துள்ள தேங்காயையும் சேர்த்து தேவையான அளவு நீர் ஊற்றி கிளறி, உப்பு சுவை பார்த்து, குக்கரை மூடி 4-5 விசில் விட்டு இறக்கினால், ருசியான சிக்கன் கெட்டி குழம்பு ரெடி!