வயிற்று வலி மட்டுமே வயிற்று புற்றுநோய்க்கான அறிகுறி கிடையாது.
சாதாரணமாக நினைக்கும் சில பிரச்சனைகளும் அதனுடைய அறிகுறிகள் தான், வயிற்று புற்றுநோய் அறிகுறிகளை அலட்சியப்படுத்தினால் அது நாளைடைவில் உயிரையே பறித்துவிடும்.
வயிற்று புற்றுநோயின் அறிகுறிகள்
ஒருவருக்கு மலம் கழிக்கும் போது இரத்தம் கலந்து வந்தாலோ அல்லது இரத்த வாந்தி எடுத்தாலோ, அது வயிறு புற்றுநோயிற்கான அறிகுறியாகும்.
பசியின்மை வயிற்று புற்றுநோயின் அறிகுறிகளுள் ஒன்றாகும், அதிலும் அதிகம் எதுவும் சாப்பிடாமலேயே வயிறு நிறைந்ததை போன்று உணர்ந்தால், உடனடியாக மருத்துவரை அணுகுவது நல்லது.
அடிக்கடி கடுமையான வயிற்று வலி ஏற்பட்டால், அதை அலட்சியப்படுத்தக் கூடாது, ஏனெனில் அது வயிற்று புற்றுநோயிற்கான அறிகுறியாக கூட இருக்கலாம்.
தினமும் எந்த ஒரு டயட் இல்லாமல், உடல் எடை குறைந்தால், அதை சாதாரணமாக விடாதீர்கள், திடீர் உடல் எடை குறைவு, வயிற்று புற்றுநோயின் ஓர் அறிகுறியாகும்.
அடிக்கடி நெஞ்செரிச்சல், அஜீரண கோளாறு போன்ற பிரச்சனைகள் ஏற்பட்டால், அது வயிற்று புற்றுநோயின் அறிகுறிகளாகும். வயிற்றில் புற்றுநோய் செல்கள் வளர்ச்சி அடைந்தால், வயிற்று உப்புசம், வயிற்றுப் போக்கு மற்றும் மலச்சிக்கல் போன்ற பிரச்சனைகள் ஏற்படலாம்.