அடிக்கடி கால் பாதங்கள் எரிச்சலாய் எரிந்தால் அது சாதாரண விஷயமாக கடந்து செல்லாதீர்கள் என மருத்துவர்கள் எச்சரிக்கின்றனர்.
ஏனென்றால், யூரிக் அமிலம் உடலில் அதிகரித்தால்தான் அதன் அறிகுறியாக இப்படி பாதங்கள் எரியும் என்கின்றனர். அதனால் சில பக்க விளைவுகளை உண்டாக்கினாலும் அதன் தீவிரம் பாதங்களையே பாதிக்குமாம்.
புரதச்சத்து அதிகமானால் அதை ஈடுகட்ட இவ்வாறு உண்டாகும். சிறுநீரகம் அதிக புரதத்தை வடிகட்டி வெளியேற்ற சிரமப்படுவதால் இரத்தத்தில் கலந்துவிடும்.
இதனால் தேவையற்ற நச்சுகள் இரத்தத்தில் கலந்து இவ்வாறு உண்டாகிறது. இந்த அதிக புரதம்தான் யூரிக் அமிலமாக உருவாகிறது.
குறைக்க என்ன செய்யலாம்..?
அசைவத்தை தவிர்க்கலாம் : முட்டை, மீன், இறைச்சி என அசைவ உணவுகள் புரதச்சத்து நிறைந்த உணவுகள். எனவே அவற்றை சாப்பிடுவதால் புரதச்சத்து மேலும் அதிகரிக்கும். எனவே அசைவத்தை முற்றிலும் தவிருங்கள்.
புரதச்சத்தை தவிருங்கள் :
சைவம் மட்டுமல்லாது புரதச்சத்து நிறைந்த எந்த உணவுப் பொருட்களையும் உட்கொள்ளாதீர்கள். கல்லீரலால் அதிக புரதத்தை கரைக்க முடியாது. இதனால் அது யூரிக் அமிலமாக உருவாகும்.
என்ன சாப்பிடலாம் ?
விட்டமின் சி நிறைந்த நெல்லிக்காய், ஆரஞ்சு, எலுமிச்சை ஆகியவற்றை சாப்பிடலாம். இவை யூரிக் அமிலத்தின் அளவை சரிசெய்ய உதவும். நார்ச்சத்து உணவு செரிமானத்தை அதிகரிக்கும்.
இதனால் யூரிக் அமிலத்தை சமாளிக்க முடியும். குறைந்தது 2-3 லிட்டர் தண்ணீர் குடியுங்கள். இதுவும் யூரிக் அமிலத்தை வெளியேற்ற உதவும். இது தவிற கேரட், வெள்ளரி , கொத்தமல்லி, புதினா போன்றவை சாப்பிடலாம்.